Badaxoz Basket cede na segunda parte ante un serio Arxil (52-74)
Por Redacción
Yanique Gordon, María Lago e María González Centeno. Entre as tres xogadoras arxilistas sumaron un punto máis (53) que todo o Badaxoz Basket Femenino. Elas foron a clave dunha cómoda vitoria do Arxil en terras estremeñas, asentada nunha boa segunda parte, despois da igualdade que presidiu os dous primeiros parciais.
Os 16 puntos e 13 rebotes, con 29 de valoración para Yanique Gordon, atoparon excelente respaldo nos números achegados por María Lago (21 puntos) e María González Centeno (16 puntos). As de Mayte Méndez só permitiron que Badaxoz igualase o primeiro cuarto (15-15), para lograr unha mínima vantaxe de dous puntos ao descanso (26-28).
Sería ao regreso de vestiarios cando a superioridade pontevedresa tivese o seu reflexo no marcador, asinando un parcial de 16-26, que lles situaba en +12 antes de entrar no cuarto final.
Con ese colchón, as arxilistas non perdoaron dobrando aos seus rivais (10-20) para terminar gañando con claridade e xustiza (52-74).
Relacionadas:
-
GDKO Ibaizábal aproveita o afundimento do Arxil na segunda parte (70-46)
Por Redacción |
-
O Arxil cae ante o Celta incapaz de parar a Ylenia Manzanares (61-69)
Por Redacción |
-
Paseo do Arxil que certifica a permanencia ao gañar ao pechacancelas Adba Avilés (76-57)
Por Redacción |
-
O Arxil quere selar a permanencia na casa batendo o Abda Avilés
Por Redacción |
-
Cruz para o Arxil nun final de infarto en Oviedo (82-81)
Por Redacción |