Traballan na creación dunha gran reunión atlética na cidade, o Meeting Rías Baixas
Por Diego Espiño
Pontevedra contará desde o próximo verán cunha gran reunión atlética. Esa é polo menos a intención dos organizadores do Meeting Rías Baixas, proba inclusida xa no calendario da Real Federación Española de Atletismo.
Celebrarase na súa primeira edición o xoves 28 de xullo nunha data especial, situada xusto despois do Campionato de España de Xixón e a só dúas semanas dos Xogos Olímpicos.
A atleta internacional Ruth Beitia será a imaxe do evento
Por ese motivo esperan reunir nas pistas do Centro Galego de Tecnificación Deportiva non só aos mellores atletas galegos, senón tamén aos nacionais, como a capitá da Selección Española, Ruth Beitia, confirmada como imaxe do evento.
"Queremos recuperar para Pontevedra lo que se hacía hace 25 años", explicou a PontevedraViva Gonzalo Méndez, impulsor do proxecto xunto a outras dúas persoas moi ligadas ao atletismo da cidade como Raúl Bretal e David Ferrer.
O meeting preséntase coa idea de "darle continuidad" nos próximos anos, aínda que a súa sede podería alternarse no futuro con Vigo, e xunto a el nace paralelamente a Asociación Meeting Rías Baixas, que tentará prestar axuda aos atletas galegos e organizar diversos eventos ao longo do ano.
A competición atlética disputarase de 20:00 a 22:00 horas coas cámaras en directo da Televisión de Galicia e aínda que é pronto para coñecer todos os seus detalles, si trascendeu que está previsto realizar unha homenaxe a todos os deportistas galegos clasificados para Río 2016.
Relacionadas:
-
Ao mundial de atletismo de Doha vaise por Marín
Por Redacción |
-
Cancelan o I Meeting Rías Baixas por "falta de apoios"
Por Diego Espiño |
-
O Meeting Rías Baixas despedirá aos olímpicos galegos "batendo récords"
Por Oskar Viéitez |
-
A organización do Meeting Rías Baixas avanza con paso firme
Por Redacción |
-
Presentada en sociedade a Asociación Meeting Rías Baixas
Por Redacción |
-
"Facerlle a vida máis doada aos atletas galegos", obxectivo da Asociación Meeting Rías Baixas
Por José Alberto Graña Pérez |