A Copa Deputación de fútbol superará os 1.000 equipos participantes na súa novena edición
Por Diego Espiño
A Deputación de Pontevedra anunciou este martes a posta en marcha do seu torneo futbolístico, a Copa Deputación, na que será a súa novena edición.
Do mesmo xeito que a pasada tempada, a competición contará coa súa versión senior masculina, feminina e de base.
En total será máis de 1.000 equipos e, só na base, "máis de 18.000 nenos", explicou na presentación David Regades, xa que a Copa amplía as categorías para cubrir toda a etapa de formación, desde biberón ata xuvenís.
A Copa Deputación "segue a ser un reflexo do apoio ao deporte en toda a provincia", sinalou a deputada Chelo Besada, nunha rexión na que tal e como revelou Gustavo Falque, vicepresidente da Federación Galega de Fútbol, existen preto de 30.000 licenzas, case a metade de todas as de Galicia.
A intención dos técnicos é ter toda a infraestrutura preparada, sorteo incluído, a primeira semana de marzo, nunha competición que se dividirá en dous cuadrantes, os de Pontevedra e Vigo.
O sistema da Copa será similar ao de pasadas tempadas, e os premios tamén xa que o vencedor na categoría senior, en particípana equipos desde Terceira División a Terceira Rexional, recibirá unha cantidade próxima aos 8.500 euros como recompensa.