O IMD traballa en darlle continuidade ao Circuíto de Carreiras Populares coa súa cuarta edición
Por Diego Espiño
O Circuíto de Carreiras Populares de Pontevedra (CCCP) terá cuarta edición. É polo menos a intención do Instituto Municipal de Deportes (IMD), que xa traballa na súa organización ao mesmo tempo que solicitou a opinión dos atletas para melloralo.
Desta forma o IMD publicou nos últimos días de decembro un regulamento provisional, que contempla de novo seis carreiras repartidas ao longo do ano.
A principal novidade sería o cambio de data da Carreira Pedestre de Campañó, que deixará de celebrarse en setembro para ser a terceira cita do calendario, o sábado 28 de maio.
Antes San Brais volverá abrir o CCCP. Será o vindeiro domingo 31 de xaneiro cun percorrido de 6.000 metros.
No calendario tamén se inclúen as carreiras de Monte Porreiro (10 de abril), PonteNoite 5+5 (18 de xuño) e Santiaguiño do Burgo (25 de xullo) antes de que o Medio Maratón (16 de outubro) poña fin á cuarta edición do evento.
O obxectivo pasa por seguir crecendo e superar os 405 inscritos do pasado ano, cun prazo de anotación que seguirá aberto ata a terceira cita do circuíto.
O prezo para os atletas participantes será de 30 euros se contan co chip de cronometraxe e de 45 se necesitan adquirilo.
Do mesmo xeito que na pasada edición, os premios individuais serán de 500, 400 e 300 euros respectivamente para os tres primeiros clasificados das categorías masculina e feminina e de 500 euros ao mellor equipo.
Relacionadas:
-
O PP propón celebrar anualmente unha gala para premiar os deportistas locais
Por Redacción |
-
Salcedo bótase a correr coa VIII Carreira Pedestre de San Brais
Por Diego Espiño & Diego Torrado |
-
San Brais, lista para abrir o Circuíto de Carreiras Populares
Por Diego Espiño |
-
Abre o prazo de inscrición para o IV Circuíto de Carreiras Populares
Por Redacción |
-
O terceiro Circuíto de Carreiras Populares 'coroa' aos seus campións: Víctor Riobó e Leticia Fernández
Por Alejandro Espiño |
-
Manuel Hurtado e Leticia Fernández, triunfadores nun espectacular Medio Maratón de Pontevedra
Por Alejandro Espiño & Diego Torrado |