San Brais, lista para abrir o Circuíto de Carreiras Populares
Por Diego Espiño
A parroquia de San Brais prepárase para dar o pistoletazo de saída por cuarto ano ao Circuíto de Carreiras Populares de Pontevedra.
Coa oitava edición da súa carreira pedestre, que se celebrará o vindeiro domingo 31 de xaneiro, iniciarase un evento que aspira a seguir crecendo.
A carreira de San Brais terá a súa saída e chegada no centro comercial e un circuíto con pequenos cambios que o fan este ano "un pouco máis duro", recoñeceron os organizadores na súa presentación.
Serán 6.500 metros na proba absoluta, fixada para as 12:30 horas. Antes, desde as 11:30 horas, celebraranse as probas de categorías inferiores.
O obxectivo da asociación de veciños pasa por superar os 600 deportistas do pasado ano aínda que "tampouco queremos moitos máis que quedamos sen chocolate", sinalou José Luis Galego en relación á chocolatada coa que se agasalla aos participantes á conclusión da proba.
A recollida de dorsais, do mesmo xeito que a inscrición das carreiras de menores, pode realizarse esta vez desde o sábado no centro comercial, de 16:30 a 20:30 horas ou o domingo desde as 9:30 horas.
En canto á carreira absoluta, a inscrición manterase aberta ata este mércores na páxina web www.championchipnorte.com.
Relacionadas:
-
Salcedo bótase a correr coa VIII Carreira Pedestre de San Brais
Por Diego Espiño & Diego Torrado |
-
A Policía Local organiza un dispositivo especial co gallo da carreira de San Brais
Por Redacción |
-
Abre o prazo de inscrición para o IV Circuíto de Carreiras Populares
Por Redacción |
-
O IMD traballa en darlle continuidade ao Circuíto de Carreiras Populares coa súa cuarta edición
Por Diego Espiño |
-
O terceiro Circuíto de Carreiras Populares 'coroa' aos seus campións: Víctor Riobó e Leticia Fernández
Por Alejandro Espiño |
-
Medio milleiro de atletas desafían ao frío na VII Carreira Pedestre de San Brais
Por Diego Torrado | Creada e actualizada