Fran Fandiño deixa o Pontevedra e marcha cedido ao Arosa
Por Ramiro Espiño
Fran Fandiño deixará nas próximas horas de ser xogador do Pontevedra para marchar cedido ao Arosa. O xogador soubo ao regreso das súas vacacións fóra da cidade que non entraba nos plans de Luisito, malia ter tamén contrato en vigor como nos casos de Jorge Rodríguez, Miguel Centrón e Álvaro Muñiz, optando por buscarse un novo destino no que contar con partidos e minutos cada xornada.
O destino do canteirán granate estará preto, concretamente no Arosa de Piscis, que espera xa a Fran Fandiño coa intención de presentalo este mesmo mércores, no inicio dos adestramentos. Así o confirmou a PontevedraViva o presidente arosista, Manolo Abalo: "Co xogador hai acordo. El quere vir ao Arosa e a nós gustaríanos telo xa hoxe mesmo. Teño pendente unha conversación con Roberto Feáns para deixar todo arranxado".
Tamén o presidente arlequinado expresou que Fran Fandiño é un xogador do agrado de Piscis: "Ao noso adestrador gústalle moito. É un xogador dunha gran calidade técnica que nos pode achegar moitas cousas. Ademais, no aspecto persoal tamén temos referencias inmellorables del e do seu comportamento".
Entre as cuestións a pulir está a parte económica. Barállase a posibilidade de que ambos os dous clubs asumen unha parte da ficha do xogador e mesmo sobre a mesa pode estar a posibilidade de que o Pontevedra poida repescalo, en caso de necesitalo, no mercado invernal.
Relacionadas:
-
O Arosa fai oficial a fichaxe de Fran Fandiño
Por Redacción |
-
O Guijuelo, primeiro escollo do Pontevedra no seu regreso á Copa do Rei
Por Redacción |
-
O Pontevedra segue dando baixas e prescinde do adestrador de porteiros, Jaime García Formoso
Por Ramiro Espiño |
-
Ratifican a composición dos grupos de Segunda B: o Pontevedra xogará contra os navarros
Por Alejandro Espiño |
-
Tomás, Bruno e Adrián seguen no Pontevedra
Por Ramiro Espiño |
-
O Pontevedra busca saída para Jorge Rodríguez que non entra nos plans de Luisito
Por Ramiro Espiño |
-
Alassane Sylla deixa o Ribadumia para incorporarse ao Arosa
Por Redacción |