O Guijuelo, primeiro escollo do Pontevedra no seu regreso á Copa do Rei
Por Redacción
O Pontevedra Club de Fútbol xa ten rival para o seu regreso á Copa do Rei despois de cinco anos de ausencia.
O sorteo celebrado este martes na sede da Federación Española de Fútbol emparellou o equipo adestrado por Luisito co Guijuelo, curiosamente tamén primeiro partido dos granates en liga.
A primeira eliminatoria do torneo do K.O. xogarase a partido único o día 2 de setembro no campo do equipo salmantino.
En caso de seguir adiante na competición, os afeccionados granates tampouco poderán gozar da Copa do Rei en Pasarón, xa que o Pontevedra se enfrontaría ao gañador do Lleida Sportiu-Hércules de Alicante o día 9 de setembro tamén a domicilio.