Echegoyen e Betanzos acarician o podio tras a segunda xornada da Trentino Olympic Week
Por Redacción
A campioa olímpica Támara Echegoyen e a súa compañeira no 49er FX, Berta Betanzos, escalaron unha posición na clasificación xeral da Garda Trentino Olympic Week tras a disputa da segunda xornada en augas italianas.
O tándem galego-cántabro protagonizou unha positiva xornada para ascender ata a cuarta praza, a só cinco puntos do podio.
Fíxoo tras comezar as dúas primeiras mangas da xornada con senllos segundos postos, mentres o terceiro resultado do día se converteu en descarte ao finalizar décimo cuartas.
Echegoyen e Betanzos manteñen así intactas as súas opcións de chegar á Medal Race con opcións de medalla.
Polo momento a competición no Lago di Garda segue comandada polas italianas Giulia Conti e Francesca Clapcich seguidas en segundo lugar das suecas Julia Gross e Cecilia Jonsson e no terceiro das británicas Charlotte Dobson e Sphie Ainsworth.