Miguel Vázquez e Pablo Lede, dúas novas baixas confirmadas polo Pontevedra
Por Ramiro Espiño
O Pontevedra confirmaba a media tarde do venres seis das baixas que se viñan barallando dende hai días, tal e como adiantou PontevedraViva. Aos nomes xa coñecidos de Richi, Santi Domínguez, Paco e Javi Otero, únense os de Pablo Lede e Miguel Vázquez, segundo a lista feita pública polo club granate.
Pero esa lista aínda non está completa, xa que polo menos faltan outros tres ou catro xogadores cos que aínda non se levou a cabo a correspondente reunión para clarificar a súa situación, e que non contan para a comisión deportiva.
Salvo sorpresas, aos seis citados uniranse as baixas de Caco, David Pérez e Benja, así como moi posiblemente a de Moreira, co que xa se iniciaron as conversacións, mentres que a situación de Luismi, Kevin Levis e David García pode depender de dous factores como son o equilibrio económico que se pretende no gasto total do equipo, así como a obrigatoriedade de cubrir a cota de prazas de xogadores sub-23, o que podería xogar en favor da súa continuidade.
Todas as baixas citadas o son por finalización de contrato, xa que o Pontevedra non conta agora mesmo con ningún xogador con contrato en vigor no primeiro equipo. Como xa se coñece, algúns dos xogadores que abandonan a casa granate están a buscar acomodo noutros equipos, tal é o caso de Javi Otero, que asinou polo Rácing Villalbés.
Polo que respecta ao central, Miguel Vázquez, xa encontrou tamén acomodo para a próxima tempada. O Ribadumia de Gabi Leis, que debutará na Terceira División, será o seu destino.
Relacionadas:
-
Sergio Lloves, primeira fichaxe do Pontevedra 2014-2015; David Feito, renova o seu contrato co club
Por Redacción |
-
Caco, nova baixa nun Pontevedra que ofrece finalmente a renovación a 14 futbolistas
Por Alejandro Espiño |
-
Kevin Levis e Moreira tampouco seguirán no Pontevedra a próxima tempada
Por Alejandro Espiño |
-
David Pérez únese á lista de baixas do Pontevedra
Por Ramiro Espiño |
-
Comezan a planificar o novo Pontevedra: o club ofrece renovar á metade do equipo actual
Por Alejandro Espiño |