Sergio Lloves, primeira fichaxe do Pontevedra 2014-2015; David Feito, renova o seu contrato co club
Por Redacción
Foi un dos nomes que soou con maior insistencia nos últimos días e finalmente se confirmou. Sergio Lloves convértese na primeira fichaxe para o Pontevedra 2014-2015. O porteiro apalabrou xa o contrato que o unirá ao club a próxima tempada, segundo puido confirmar PontevedraViva de fontes próximas ao club.
O porteiro redondelano regresa ao Pontevedra, equipo no que militou na tempada 2012-2013. A final dese ano fichou polo ÿlafsvik Vikingur, un equipo da Primeira División de Islandia. Unha experiencia que non durou moito. O propio Lloves recoñecía que a adaptación ao país escandinavo non foi doada. Volveu á casa o pasado mes de febreiro e xogou no Villalonga, en Rexional Preferente, ata final de tempada.
A pesar das ofertas de clubs como o Compostela e o Somozas, Lloves inclinouse finalmente por retornar á cidade de Lérez. En principio, terá que pelexar o posto de titular da portaría granate con Edu, a quen o Pontevedra lle ofreceu a renovación por un ano máis.
DAVID FEITO, PRIMEIRO EN RENOVAR
Precisamente neste capítulo de renovacións hai novidades. Tras anunciar o club o nome dos xogadores aos que quería manter no equipo, David Feito confirmou a través da súa conta persoal de Twitter que aceptou a oferta da directiva. Seguirá un ano máis no Pontevedra.
Es un orgullo anunciar k la próxima temporada seguire defendiendo la camiseta granate,independientemente de la categoria en la k estemos
David Feito (@DavidFeito19) julio 9, 2014
O lateral esquerdo sevillano incorporouse á disciplina granate a pasada tempada, procedente do Coria, equipo da súa localidade natal. Foi titular indiscutible durante toda a tempada. Só perdeuse un partido en todo o ano e marcou tres goles, todos eles de penalti.
Relacionadas:
-
Os dianteiros Benja e Luismi aceptan a oferta de renovación do Pontevedra e continuarán no club
Por Redacción |
-
Miguel Centrón e Pedro García, novas fichaxes dun Pontevedra que confirma a Lloves e renova a Edu e Tubo
Por Alejandro Espiño |
-
Alberto Campillo e Adrián Mouriño fichan polo Pontevedra; Pablo González renova e David García é baixa
Por Alejandro Espiño |
-
Adrián Gómez e Kevin Presa continuarán no Pontevedra un e dous anos máis, respectivamente
Por Redacción |
-
Caco, nova baixa nun Pontevedra que ofrece finalmente a renovación a 14 futbolistas
Por Alejandro Espiño |
-
David Pérez únese á lista de baixas do Pontevedra
Por Ramiro Espiño |
-
Miguel Vázquez e Pablo Lede, dúas novas baixas confirmadas polo Pontevedra
Por Ramiro Espiño |