Iván Docampo e Leticia Fernández gañadores da Pontenoite 5+5
Por Oskar Viéitez & Diego Torrado
Eran os favoritos e cumpriron co prognóstico, Leticia Fernández e Iván Docampo impuxéronse na segunda edición da Pontenoite 5+5.
Un total de 669 atletas participaron nas dúas carreiras disputadas polas rúas de Pontevedra nas distancias de 5.000 metros (unha volta ao circuíto) e o ''máis cinco'' dúas voltas, dez mil metros.
Na distancia de 5.000 metros a vitoria foi para a viguesa Paula Román, cun tempo de 19'20", seguida por Lorena Salgueiro e Iria Rubial.
Na categoría masculina de novo outro vigués, David Posada, impúxose cun crono de 16'05", en segundo lugar Diego Calvete, subcampión do mundo de dúatlon hai quince días en Pontevedra, e terceiro foi Jorge Janeiro.
En canto á proba de dez mil, aberta para os atletas que participan habitualmente no Circuíto de Carreiras Populares, impúxose Iván Docampo Gonzalez cun tempo de 31'28''. En segunda e terceira posición chegaron os triatletas Antonio Serrat e Diego Paz. Para a clasificación do circuíto de carreiras, esas posicións foron para Abel Barros González e Miguel Daporta.
Na categoría feminina, Leticia Fernández fixo valer a súa condición de subcampiona española impoñéndose ao resto cun tempo de 37'30". María del Rosario Figueroa foi segunda e María del Pilar López, terceira.
Relacionadas:
-
O Circuíto de Carreiras Populares de Pontevedra entrega os seus premios nunha gala
Por Redacción |
-
Iván Docampo, máis líder do CCCP tras un cómodo triunfo na carreira do Santiaguiño do Burgo
Por Alejandro Espiño |
-
Todo a punto para a carreira popular de Santiaguiño do Burgo, proba que se incorpora ao circuíto CCCP
Por Alejandro Espiño |
-
Iván Docampo dá á Gimnástica o seu quinto campionato galego consecutivo de cinco quilómetros en ruta
Por Redacción |
-
Atletas con discapacidade adestran ás ordes de Víctor Riobó para participar na PonteNoite 5+5
Por Alejandro Espiño & Mónica Patxot |
-
'Run for Parkinson's': A segunda edición da PonteNoite 5+5 aposta pola acción social
Por Diego Espiño |