Empate sen goles e pouco fútbol no derbi entre o Pontevedra e o líder Ourense CF
Por Almu Dapena
Moita intensidade e pouco fútbol no derbi entre o Pontevedra CF e o líder Ourense CF. O equipo granate gozou das mellores ocasións do encontro pero os locais realizaron un bo traballo defensivo para rascar un empate que os mantén en primeira posición á espera do que faga o Zamora este domingo ante o Mariño de Luanco.
Por segunda semana consecutiva variou o once inicial Yago Iglesias, Dalisson pasou a ocupar o carril esquerdo en lugar de Chiqui, e Toño entrou no medio, á altura de Yelko.
Optou desta forma o técnico granate por xogar cunha liña defensiva alta e presionar a saída de balón rival para así buscar o máis rápido posible a portería. E así, aos dous minutos de xogo, a punto estivo de subir o 0-1 ao marcador. Facu Gallardo buscou cara atrás a Marqueta, pero o pase quedou curto e Rufo interceptouno. O ariete madrileño no seu caneo ao gardameta se escoró demasiado cara á dereita e mandou o balón ao lateral da rede.
E ata aí chegou o perigo do Pontevedra. O Ourense foise entoando aos poucos e protagonizou un par de chegadas sen perigo a área dun Edu Sousa que non tivo problemas para intervir. Mentres, na portería rival, Marqueta tampouco tiña traballo e vía como o xogo se disputaba na zona medular e a pelota mantíñase afastada da súa área.
Alcanzáronse así os últimos 10 minutos do primeiro tempo e, da nada, o partido quentouse. O colexiado amoestou a Andrada dar co cóbado na cara a Dalisson e, un minuto despois, foi Samu Mayo o que viu a amarela por unha falta no medio campo.
Co empate sen goles alcanzouse o descanso e foi o Pontevedra o que protagonizou o primeiro achegamento a portería rival cun disparo afastado de Toño que Marqueta atrapou en dous tempos.
Pasada a hora de xogo, Yago Iglesias decidiu mover ficha e dar entrada a Chiqui en lugar de Ángel Bastos, Dalisson pasou a ocupar a banda dereita por diante de Garay e o 11 a esquerda por diante de Álex González.
Con eses cambios pasou a monopolizar o Pontevedra as chegadas perigosas. Samu Mayo probou fortuna cun disparo de lonxe e pouco despois Chiqui, que recibiu en banda esquerda un envío de Mario Gómez, foise de dous defensores e conectou un bo disparo cruzado que detivo Marqueta.
Buscou o cadro granate a vitoria custe o que custe pero o partido xa entrara nos minutos críticos nos que o Ourense aproveitou para rabuñar uns poucos segundos cada vez que podía e fortalecer a súa zaga para asegurarse, polo menos, o empate.
Chegou así o encontro ao seu final, sen goles e con repartición de puntos para ambas as escuadras que se manteñen no alto da clasificación á espera do que faga o Zamora este domingo. O Ourense segue líder con 31 puntos, seguido do Pontevedra (segundo) e do Zamora (terceiro), ambos con 29.
OURENSE CF (0): Marqueta, Andrada, Manu Morgade, Prado, Facu Ballardo, Amin, Jerín (Daniel Portela, min. 87), Alberto Gil (Brais Penela, min. 71), Álex Gil (Gabri Palmás, min. 79), Fidalgo e Cristian Moreno.
PONTEVEDRA CF (0): Edu Sousa, Bastos (Chiqui, min. 63), Churre, Mario Gómez, Toño (Borja Domínguez, min. 75), Álex González, Rufo (Charly, min. 75), Yelko, Samu Mayo, Dalisson e Garay.
Árbitro: Jerónimo Montes García-Navas, auxiliado en bandas por Fernando Luciano Ventura Verderico e Luis Miguel Díaz Rodríguez (Madrid). Amoestou a Andrada (36') e Facundo Ballardo (77') no Ourense e a Samu Mayo (38'), Mario Gómez (54') e Charly (89') no Pontevedra.
Incidencias: Partido da xornada 15 de liga en Segunda RFEF disputado no campo municipal de Oira. Ata alí desprazáronse 200 afeccionados granates.
Relacionadas:
-
Remontada, goleada e liderado granate (4-1)
Por Almu Dapena & Cristina Saiz |
-
O Fabril "vai esixir estar 90 minutos concentrados e controlar esa calidade individual que teñen", segundo Yago Iglesias
Por Almu Dapena |
-
A última xornada do ano, solidaria en Pasarón e o Pavillón Municipal
Por Redacción |
-
Chiqui: "O noso obxectivo é quedar primeiros, cada partido afrontámolo como unha final"
Por Diego Espiño |
-
O Fabril, un filial historicamente incómodo para o Pontevedra
Por Diego Espiño |
-
Vilalba, primeira viaxe de 2024 para a 'Marea Granate'
Por Redacción |
-
As tarxetas empezan a ameazar o Pontevedra
Por Diego Espiño |
-
O campionato de inverno, difícil pero a tiro para o Pontevedra
Por Diego Espiño |
-
Yago Iglesias: "Imos contentos co que o equipo fixo porque competiu ben"
Por Almu Dapena |
-
A primeira visita do Pontevedra á Cidade das Burgas desde a desaparición do CD Ourense
Por Diego Espiño |
-
Estar "moi concentrados" en defensa, segundo Mario Gómez, a clave para derrotar o Ourense
Por Alejandro Espiño |
-
"Co ánimo alto" no Pontevedra para asaltar a casa do líder, o Ourense
Por Alejandro Espiño |
-
A portería de Pasarón, pechada con cadeado
Por Diego Espiño |
-
Triunfo vital do Pontevedra fronte a un Compostela que acabou con nove (3-0)
Por Diego Espiño & Cristina Saiz |
-
O Pontevedra 'convoca' a Marea Granate para o seu próximo desprazamento a Ourense
Por Diego Espiño |