O Cisne acaba coa resistencia do Handbol Mallorca na segunda metade (30-23)
Por Redacción
Traballada vitoria do Club Cisne Balonmán este mércores 6 de decembro nunha nova xornada da División de Honra Prata, moito máis suada do que reflicte o marcador final de 30-23, conseguindo dous puntos cos que recuperar aire tras a súa derrota da fin de semana en Eivissa e consolidándose con 15 puntos en postos de play-off de ascenso.
Foi un duelo a disputada fronte ao Handbol Mallorca no Pavillón Municipal dos Deportes que se terminou decidindo por desgaste, nunha gran segunda metade cisneísta.
Antes, o Mallorca saíra respondón, gozando de vantaxes mínimas nos minutos iniciais e non desesperando cando o Cisne tentaba romper o marcador (9-7) aos 15 minutos. De feito a igualdade era máxima ao descanso cun 13-13 que debaja todo por resolver.
O cadro balear empezou o segundo acto con dous tantos consecutivos que lle daban a súa máxima vantaxe no partido (13-15), pero os locais aproveitaban unha exclusión de Fede Jiménez para cun parcial de 3-0 volver tomar o control do partido (16-15).
O Mallorca aguantou o tirón ata o minuto 40 (17-17) pero o cansazo empezou a facer efecto nos seus homes importantes notando a menor rotación que presentaban en Pontevedra, e os de Jabato empezaron a partir dese momento para decantar o partido ao seu favor cun tirón (22-18) ao que xa non puideron responder os visitantes.
Unha vez aberta a brecha, o Cisne controlou co marcador a favor para non ver perigar a vitoria, sentenciando cuns bos minutos finais nos que anotou o últimos catro goles.
Carlos Pombo e Mateo Arias destacaron en labores ofensivos con 8 goles cada un sendo os máximos anotadores do encontro.
Con este resultado o equipo pontevedrés colócase na quinta posición con 15 puntos, e con tres de vantaxe sobre o primeiro equipo que non tería dereito a xogar o play-off.
Consulta a acta do partido na páxina web da Real Federación Española de Balonmán.
Relacionadas:
-
Rubén Etayo recibe a alta e alivia unha aínda ocupada enfermería do Cisne
Por Diego Espiño |
-
O Memorial Luaces do Cisne supoñerá o regreso cinco anos despois da Selección Galega Absoluta
Por Redacción |
-
Sólido triunfo do Cisne ante Antequera para despedir o ano (27-22)
Por Almu Dapena & Cristina Saiz |
-
Un Cisne que chega "xusto de enerxías" ao último partido de 2023
Por Diego Espiño |
-
Derrota en Alacante dun Cisne que perdoou en exceso (31-28)
Por Almu Dapena |
-
"Partido importante para recuperarnos" do Cisne a golpe de festivo
Por Redacción |
-
O Cisne ve cortada a súa progresión en Eivissa nun apertado partido (31-30)
Por Redacción |
-
Cisne-Alcobendas: Unha vitoria con demasiado suspense (28-27)
Por Almu Dapena & Cristina Saiz |
-
Actuación estelar do Cisne ante o Villa de Aranda (17-25)
Por Almu Dapena |