A futbolista Laia Codina declara desde os xulgados da Parda como testemuña no 'caso Rubiales'
Por Alejandro Espiño & Diego Espiño
O coñecido como 'Caso Rubiales', causa aberta contra o expresidente da Real Federación Española de Fútbol, Luis Rubiales, polo bico non consentido á xogadora Jennifer Hermoso durante a celebración da vitoria de España no Mundial, chegou este venres a Pontevedra.
Debido á concentración en Sanxenxo da Selección Española para afrontar o partido da UEFA Women's Nations League contra Italia en Pasarón, unha das integrantes do equipo nacional tivo que achegarse este venres ata os xulgados da Parda.
Desde alí Laia Codina converteuse na cuarta xogadora da Selección que testifica no procedemento, que investiga o Xulgado Central número 1 da Audiencia Nacional, tras Misa Rodríguez, Alexia Putellas e Irene Paredes.
Codina chegou ás 9.30 horas da mañá aos xulgados acompañada de persoal da Real Federación Española de Fútbol, testificando por videoconferencia durante preto dunha hora.
Á súa saída da sede xudicial, a futbolista non quixo valorar a súa declaración ante os xornalistas presentes, sendo escoltada por axentes da Policía Nacional ata a furgoneta que a esperaba para regresar ao hotel de concentración xunto ao resto das súas compañeiras.
Cabe lembrar que o xuíz instrutor investiga neste procedemento a Luis Rubiales como presunto autor dos delitos de agresión sexual e coaccións.
Relacionadas:
-
Axentes da Policía Nacional imparten unha charla para evitar comportamentos intolerantes no deporte
Por Anxo Lourido |
-
A derrota de España fronte a Italia non embaza a festa do fútbol feminino en Pasarón
Por Almu Dapena & Mónica Patxot |
-
Os presidentes territoriais piden a dimisión de Rubiales con Louzán como "un dos principais impulsores dos termos do comunicado"
Por Diego Espiño |
-
A conduta de Rubiales é "intolerable" e "no representa los valores que quiere transmitir el deporte" asegura Tere Abelleira
Por Oskar Viéitez |
-
Tere Abelleira: "Que ningún éxito das mulleres futbolistas e deportistas sexa manchado por ningún tipo de comportamento"
Por Almu Dapena |