Furius Monkey House xoga na casa e golea
Por Redacción & Diego Torrado
Podería dicirse que os fillos pródigos volveron á casa este xoves, aínda que, en realidade, Furius Monkey House nunca deixou de volver. A banda pontevedresa segue moi apegada á cidade do Lérez que a viu nacer no ano 2014 e, a pesar da súa proxección nacional e de actuar con grandes músicos -este mesmo mes de agosto compartiu escenario con Vetusta Morla e Xoel López en Vigo-, sempre regresa ás súas orixes e entrégase aos seus veciños como a ninguén. Este xoves demostrárono na praza da Ferrería.
Mariña, Carlota, Amaya, Irene e Diego volveron a unha praza que lle é coñecida e, xogando en casa, gañaron por goleada, co plus engadido de facelo nas Festas da Peregrina. Gañaron o favor do público e da crítica, cun concerto que encheu a praza de público e das mellores das súas cancións.
A programación musical das Festas da Peregrina continúa este venres 16 de agosto co concerto de Iván Ferreiro na praza de España e Xosé Lois Romero & Aliboria no escenario da Ferrería, ás 22.30 e as 21.30 horas, respectivamente.
O sábado 17, no escenario da Ferrería soará A Banda Xagai e na praza de España, Beret.
Lola Índigo, artista xurdida de OT 2017, pechará o domingo 18 na praza de España.
Relacionadas:
-
Voltas e voltas nos "cochiños" para pór fin ás Festas da Peregrina
Por Mónica Patxot & Anxo Lourido |
-
VÍDEO.- Poucas cousas tan 'míticas' como Xogo de Tronos ao son dunha gaita
Por Redacción & Diego Torrado |
-
O concerto de Rozalén, máis inclusivo que nunca: "Todo lo que sea derribar barreras me parece de maravilla"
Por Almu Dapena & Diego Torrado |
-
A fusión de rock, soul e espectáculo de Broken Peach conquista A Ferrería
Por Redacción & Diego Torrado |
-
A voz de Ana Belén dálle 'Vida' á praza de España
Por Redacción & Diego Torrado |
-
Tequila para abrir a programación musical das Festas da Peregrina
Por Redacción & Diego Torrado |
-
Pontevedra, preparada para tres meses de festa "intensiva"
Por Alejandro Espiño |
-
As 'Peregrinas' completan cartel con Ana Belén, Lola Índigo, Tequila ou Furious Monkey House
Por Alejandro Espiño |