O Premio da Cultura Galega motiva o director do Museo a traballar con máis intensidade
Por Redacción
"É un acicate que nos vai facer continuar co bo traballo", con estas palabras Xosé Leal, deputado responsable da área de Cultura na Deputación Provincial avaliaba a importancia do Premio da Cultura Galega 2016 co que a Xunta de Galicia galardoou ao Museo de Pontevedra.
Leal indicou que este recoñecemento supón unha aposta polo traballo que realizan os técnicos deste organismo, aos que considera os verdadeiros especialistas en materia cultural e artística.
Neste sentido, o director do Museo de Pontevedra, Carlos Valle tamén se mostrou moi satisfeito co galardón e sinalou que é un recoñecemento ao traballo desenvolvido durante os últimos anos e tamén ao tesouro patrimonial que recolle o Museo a través de coleccións, arquivos e bibliotecas.
Valle fixo referencia ás tres colecciones que se destacaban na mención sinalando que o valor dos traballos non é só cuantitativo senón tamén cualitativo. Segundo o máximo responsable técnico do Museo, o de Pontevedra é dos poucos espazos que leva ata as últimas consecuencias esta combinación na que un visitante pode documentarse sobre o que aconteceu no cuadrante noroccidental e sobre a arte española e universal das últimas décadas.
O premio, concluíu Carlos Valle, supón un incentivo para traballar con máis intensidade e motivación.
Relacionadas:
-
O Museo compartirá este sábado o seu Premio da Cultura cos pontevedreses
Por Antía Fernández Buján |
-
Máis de 107.000 persoas visitaron en 2016 as instalacións do Museo de Pontevedra
Por Redacción |
-
O Museo retoma o seu programa de visitas comentadas
Por Redacción |
-
O Museo de Pontevedra, galardoado polo seu patrimonio cultural nos Premios da Cultura Galega 2016
Por Redacción |