Un agosto cultural en Ponte Caldelas con 36 actividades para todos os públicos
Por Redacción
Unha programación cultural "amena e variada" que ofrece oportunidades de lecer durante case todos os días do mes. Así definen desde o goberno municipal de Ponte Caldelas o que ofrecerá o Agosto Cultural, un programa que inclúe 36 actividades distintas para todas as idades.
A programación arranca o próximo sábado día 6 coa celebración da segunda edición da carreira popular "+5 Bandeira Azul" e chega ata mércores, día 31, cando o Día do Neno baixará o pano ofrecendo aos rapaces acceso a todas as atraccións infantís a prezo reducido.
"En Ponte Caldelas xa non só falamos das Festas das Dores, senón dun Agosto Cultural no que o lecer e a diversión son os protagonistas cun programa extenso e moi variado pensado por e para todos os nosos veciños, pero tamén para atraer visitantes", explicou o alcalde, Andrés Díaz.
O Agosto Cultural bota a andar este sábado ás 19 horas coa carreira popular "Bandeira Azul". Ás 22.00 horas chegará o primeiro concerto na Alameda, a cargo dos Black Stones.
O venres 12, concerto na Alameda do dúo Sobre todo Ella.
O venres 19, ás 21 horas, concerto das Abeleiras de Alxán no colexio Manuel Cordo Boullosa.
O sábado 20, ás 16 horas, I Subida Automobilística Concello de Ponte Caldelas na estrada de Laxoso. Ás 22 horas, na Alameda, concerto de A Roda.
O domingo 21 de agosto, ás 9 horas, segunda xornada da I Subida Automobilística.
O luns 22, ás 19 horas, cine infantil coa proxección de "Os Minions", no colexio Manuel Cordo Boullosa. Ás 21 horas, inauguración da exposición de gravados de Carlos García Gonçalves. Ás 22 horas, na Alameda "A lingua na boca, letras, riscos e pensamentos de Castelao", espectáculo cómico, poético e musical.
O martes 23, ás 19 horas, no colexio Manuel Cordo, actuación de cabaret infantil "As irmáns Prodixio". Ás 20.30 horas, no Centro Cultural presentación do audio-libro de Suso Vaamonde "O Soño na Gaiola", con actuación dos fundadores de Fuxan Os Ventos Mini e Mero. Ás 22 horas, teatro con "O Día do Pai", comedia de Malasombra Producións.
O mércores 24, ás 19 horas, no Centro Cultural, actuación infantil a cargo de Migallas Teatro. Representarán "Camiño de Historias". Ás 22 horas, cine ao aire libre na Alameda, coa proxección de "Marte".
O xoves 25, ás 19 horas, no colexio Manuel Cordo Boullosa, actuación infantil a cargo de Luis Valecillo co espectáculo "Cantamos un conto na Biblioteca". Ás 22 horas, teatro, coa obra "Noiteboa" a cargo de Redrum Teatro.
O venres día 26, ás 23 horas na Alameda, chegará o momento da festa Ponte Caldelas Xoven, cun cartel de música electrolatina encabezado por Ricky Furiaty, DKB, Newmaik e coa participación doutros artistas e Dj.
O sábado 27, ás 12 horas, pasarrúas a cargo da banda de Mondariz, que actuará ao remate na Alameda. Ás 20 horas, procesión dende a capela da Sagrada Familia. Ás 20.30 horas, Festival Folclórico na Alameda coa actuación dos Coribantes, grupo de danzas Virgen de las Aguas de Burgos e o grupo folclórico Virgen de Sopetrán de Cáceres.
O domingo 28 comeza cos pasarrúas ás 12 horas coa banda de Salcedo e concerto ao remate. Ás 18 horas animación na rúa a cargo da Charanga Charandonga. Ás 22.30 horas, verbena coa orquestra Televisión.
O luns 29, ás 12 horas, pasarrúas coa banda de Arcade e concerto ao remate. Ás 21 horas, na Alameda, Festival Son de Ponte Caldelas organizado pola banda tradicional Os Coribantes e participación de diversos grupos municipais galegos. Ás 00 horas, verbena na Alameda con Miramar e o Dj Álvaro Malvar.
O martes 30 comeza co pasarrúas da banda de Redondela ás 12 horas e o posterior concerto. Ás 20 horas, misa solemne na honra de San Roque cantada pola coral Valdarrosa. A continuación sae a procesión coas imaxes da Sagrada Familia e a Virxe das Dores cara as súas respectivas capelas. Estarán acompañadas polas bandas da Brilat e Os Coribantes. Ás 23 horas, na Alameda, comezará a habitual verbena de clausura ata as 8 da mañá, coas orquestras, Marbella, Pontevedra e Alkar.
O remate chegará o mércores 31 co Día do Neno. A apertura das atraccións será ás 17.00 horas a prezo especial ata última hora da tardiña.
Relacionadas:
-
RADIO.- Tino Domínguez, un Black Stones "por oposición"
Por Marisa Ciordia |
-
A Asociación de Mulleres do Verdugo representa "O anel máxico" na Casa do Pobo de Cuñas
Por Redacción |
-
Máis de 2.000 persoas asistiron a un concerto co cubano DKB como cabeza de cartel
Por Redacción |
-
Ponte Caldelas pon en marcha un operativo de seguridade no festival electrolatino
Por Redacción |
-
Volve o Caldelas Xoven, o festival de música electrolatina de Ponte Caldelas
Por Redacción |