O exterior do templo antigo de Marín acollerá este xoves a homenaxe a Caballé e Pavarotti
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Deputación remata este xoves en Marín o percorrido do espectáculo lírico 'Querida Montserrat, Querido Luciano' na provincia de Pontevedra.
Organizada pola compañía OperaConcert, e co obxectivo de poñer en convivencia a música de ópera co patrimonio pontevedrés, nesta actividade participan familiares dos artistas homenaxeados: Montserrat Martí Caballé, filla da soprano española, e Simona Todaro Pavarotti, neta do tenor italiano.
A actuación celebrarase este xoves 30 de agosto ás 21:00 horas no exterior da Igrexa de Santa María do Porto (Templo antigo) de Marín, con entrada libre ata completar aforo.
É a primeira vez na historia da música que se lle rende unha homenaxe a estes dous grandes artistas unidos polo canto, cuxas voces resoaron nos mellores teatros do mundo: desde Sídney ata Roma, desde París a Nova York.
No espectáculo que chega á provincia a través da institución provincial tamén participan o barítono Luis Santana, a soprano lixeira María Dolores Crespo Abuín e o pianista Victor Carbajo.
O espectáculo inclúe un repertorio da canción e a ópera italiana en recordo de Luciano Pavarotti, así como arias de ópera, canción española e zarzuela por Montserrat Caballé, con títulos como 'O mío babbino caro', 'Ave María', 'O Sole Mio' ou 'Nessun Dorma'.
A xira de 'Querida Montserrat, Querido Luciano' pola provincia da man da Deputación remata así, tras pasar por espazos emblemáticos dos concellos de Poio (no Mosteiro de San Xoán) e O Porriño (na Praza do Concello) cun grande éxito de público.
Relacionadas:
-
Xabier Díaz e Adufeiras de Salitre actuarán esté sábado na Alameda de Marín
Por Redacción |
-
Máis de 600 persoas enchen o Mosteiro de San Xoán para gozar dunha gala lírica
Por Redacción |
-
"Backstage" na casa de Carmiña para render tributo a Caballé e Pavarotti en Carballedo
Por Redacción |
-
Poio e Marín acollerán o espectáculo lírico homenaxe a Montserrat Caballé e Luciano Pavarotti
Por Redacción |