"Backstage" na casa de Carmiña para render tributo a Caballé e Pavarotti en Carballedo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/d0a/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/66c36f93af-456187564_891414323014146_8119713895998248219_n.jpg)
© Concello de Cerdedo-Cotobade
![](/web/cache/scene/uploads/fotos/foto/27d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c36f9367-455968315_891413606347551_3110884557775944095_n.jpg)
© Concello de Cerdedo-Cotobade
![](/web/cache/scene/uploads/fotos/foto/524/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c36f93f3-456237161_891414086347503_8421672223433725129_n.jpg)
© Concello de Cerdedo-Cotobade
A Praza da Chan de Carballedo, no Concello de Cerdedo-Cotobade, encheuse de emoción esta fin de semana cunha homenaxe musical a Montserrat Caballé e Luciano Pavarotti que atraeu a un público entusiasta do bel canto.
O concerto, titulado 'Querida Montserrat, Querido Luciano', contou coa actuación de destacados artistas como Montserrat Martí Caballé, Simona Todaro Pavarotti, Luis Santana e Dolores Crespo, acompañados polo pianista Víctor Carbajo.
O alcalde Jorge Cubela destacou o esforzo do Concello por traer un espectáculo lírico de tan alto nivel de forma gratuíta para a veciñanza.
"É a primeira vez na historia da música que se rende unha homenaxe conxuntamente a estes dous grandes artistas", declarou Cubela, subliñando a importancia das voces de Caballé e Pavarotti nos grandes teatros do mundo.
Os artistas mostraron unha gran accesibilidade co público, rompendo co mito do "divismo" no mundo da canción lírica e narrando anécdotas mesmo da boa relación entre Montserrat Caballé e Freddie Mercury, narradas principalmente por Montserrat Martí Caballé, filla da gran cantante lírica, quen tamén contou que sufrira unha caída recentemente e tiña varios puntos nun xeonllo ademais de dor nunha costela.
O público non escatimou aplausos e ovacións, manténdose mesmo de pé despois de esgotar as cadeiras dispostas pola organización e o éxito levou a que os cantantes tiveran que ofrecer varios bises.
Grazas á hospitalidade de Carmiña, unha veciña da Praza da Chan, a falta de camerinos non foi un problema porque os artistas puideron utilizar a súa vivenda como un "backstage" improvisado. Foi a gran anécdota da xornada.
O concerto de Carballedo contou coa interpretación de Dolores Crespo de varias pezas en galego.
Concerto lírico: 'Querida Montserrat, Querido Luciano'
Recital realizado na Praza da Chan en Carballedo
© Concello de Cerdedo-Cotobade
Relacionadas:
-
O exterior do templo antigo de Marín acollerá este xoves a homenaxe a Caballé e Pavarotti
Por Redacción |
-
Máis de 600 persoas enchen o Mosteiro de San Xoán para gozar dunha gala lírica
Por Redacción |
-
Poio e Marín acollerán o espectáculo lírico homenaxe a Montserrat Caballé e Luciano Pavarotti
Por Redacción |
-
Música, teatro, cine e contacontos para todos os recunchos de Cerdedo-Cotobade
Por Redacción |
-
A ópera soará nas Festas de San Roque cun tributo a Pavarotti e a Montserrat Caballé
Por Redacción |