Máis de 600 persoas enchen o Mosteiro de San Xoán para gozar dunha gala lírica
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/7b8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c5e0ab79-querida-montserrat-querido-luciano_poio-4-.jpeg)
© Concello de Poio
![](/web/cache/scene/uploads/fotos/foto/e4f/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66c5e2b473-querida-montserrat-querido-luciano_poio-1-.jpeg)
© Concello de Poio
Máis de 600 persoas asistiron este martes 20 de agosto ao Mosteiro de San Xoán en Poio para presenciar un recital lírico en homenaxe a Montserrat Caballé e Luciano Pavarotti.
A cita inclúese dentro da xira que se desenvolve polas Rías Baixas do espectáculo 'Querida Montserrat, Querido Luciano'.
O concerto, que durou dúas horas, contou coa actuación de Montserrat Martí Caballé, que cantou en recordo á súa nai, e de Simona Todaro Pavarotti, que homenaxeou ao seu tío.
Ambas estiveron acompañadas polo barítono Luis Santana, a soprano lixeira Dolores Crespo Abuin e o pianista Víctor Carbajo.
O evento, celebrado na igrexa do Mosteiro, espertou o interese tanto de veciños de Poio como de visitantes doutros concellos da provincia.
Interpretáronse fragmentos de coñecidas óperas, zarzuelas e cancións populares como 'O Sole Mío', 'Caruso', 'Ave María' e temas moi populares como 'Hijo de la luna', 'Libre' ou a galega 'Negra Sombra' de Rosalía de Castro.
O alcalde Ángel Moldes cualificou de "excepcional" o evento.
Moldes agradeceu a colaboración da Deputación de Pontevedra e do Mosteiro de San Xoán por promover actividades culturais que, afirmou, contribúen a facer de Poio un concello atractivo para os amantes da música.
Relacionadas:
-
O exterior do templo antigo de Marín acollerá este xoves a homenaxe a Caballé e Pavarotti
Por Redacción |
-
"Backstage" na casa de Carmiña para render tributo a Caballé e Pavarotti en Carballedo
Por Redacción |
-
Poio e Marín acollerán o espectáculo lírico homenaxe a Montserrat Caballé e Luciano Pavarotti
Por Redacción |
-
Música, teatro, cine e contacontos para todos os recunchos de Cerdedo-Cotobade
Por Redacción |
-
A ópera soará nas Festas de San Roque cun tributo a Pavarotti e a Montserrat Caballé
Por Redacción |