O FICBueu 2024 celebrarase do 6 ao 21 de setembro
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O cine regresa a Bueu entre o 6 e 21 de setembro coa décimo sétima edición do Festival Internacional de Cinema de Bueu, o FICBueu.
Un ano máis, ademais das proxeccións da sección oficial a concurso ou doutras coma Descubertas ou GZ_00, na que pode verse o que están a facer as realizadoras e realizadores máis novas, o certame volverá convidar ao público a participar en coloquios, ou en diferentes actividades relacionadas coa sétima arte.
Regresan tamén a música ou a ruta de tapas pola vila mariñeira e, a partir do 16 de setembro, o MINIFIC, co que volverán as actividades con centros de ensino da zona de Bueu ou a sesión familiar de proxeccións.
Ademais, o festival presenta para esta edición unha nova imaxe que está moi relacionada coa proposta deste ano para a sección Retrospectiva, adicada aos principais creadores de cinema experimental da segunda metade do século XX.
Antes do inicio oficial do festival, haberá proxeccións na praia como xa ocorrera o ano pasado.
Relacionadas:
-
O turismo e o festival Sonrías Baixas leva ao Concello de Bueu a habilitar máis zonas de aparcamento
Por Redacción |
-
A 'Retrospectiva' do FICBUEU estará dedicada a Jonas Mekas, fundador do cinema de vangarda estadounidense
Por Redacción |
-
O FICBueu exclúe do festival calquera curtametraxe financiada por Israel
Por Alejandro Espiño |
-
A guionista de '20.000 especies de abellas' será titora no programa formativo da II Residencia FICBUEU
Por Redacción |
-
A residencia artística do FICBueu busca os catro 'inquilinos' para a súa segunda edición
Por Redacción |