Pontevedra seguirá sen delegación da CRTVG ante o "veto" do PP á súa reapertura
Por Redacción
Un novo "ataque" a Pontevedra por parte do Partido Popular. Así cualifica o deputado do BNG, Luís Bará, o "veto" dos populares no Parlamento galego á reapertura da delegación da CRTVG na cidade.
Bará cualificou como unha "ofensa" e un "desprezo" do PP a Pontevedra o rexeitamento da formación conservadora á proposta na que o BNG solicitaba que a compañía de radio e televisión pública galega reabrise a súa delegación, "suprimida" no ano 2010.
"Parécenos lamentable que o PP vete a posibilidade de recuperar esa delegación", asegurou o deputado nacionalista, que lembrou que Pontevedra é a única capital de provincia que carece deste servizo. Jacobo Moreira foi un dos populares que votou en contra.
A ausencia da CRTVG en Pontevedra ten "consecuencias negativas" para a cidade, entende o BNG, pola perda de postos de traballo e o "apagamento informativo" que, especialmente en televisión, sofre a actividade política, social, cultural e deportiva de Pontevedra na programación dos medios públicos.
Desde o BNG, engadiu Bará, "lamentamos esta posición" e piden aos populares que rectifiquen e Pontevedra poida recuperar esta delegación.
Relacionadas:
-
Apoio do goberno local de Pontevedra ao persoal da CRTVG, que este luns se atopa en folga
Por Anxo Lourido | Creada e actualizada
-
O PP de Pontevedra rexeita os informativos locais na programación da Radio Galega
Por Mónica Patxot & Anxo Lourido |
-
Pontevedra protesta pola supresión das desconexións locais na Radio Galega
Por Alejandro Espiño |
-
O BNG solicita que a delegación da radio e televisión galega volva a Pontevedra
Por Oskar Viéitez |
-
En Marea esixe á Xunta a reapertura da delegación da CRTVG en Pontevedra
Por Redacción |
-
O pleno aproba por unanimidade instar á Xunta a reabrir a delegación da Radio Televisión de Galicia
Por Mónica Patxot & Anxo Lourido |