O pleno aproba por unanimidade instar á Xunta a reabrir a delegación da Radio Televisión de Galicia
Por Mónica Patxot & Anxo Lourido
O pleno da corporación aprobou por unanimidade instar á Xunta de Galicia para que reabra a delegación da CRTVG, que a administración autonómica pechou en 2010.
A moción presentada polo BNG, a través do seu concelleiro Luís Bará, destacaba a falta de cobertura de actos relevantes na comarca por parte da Radio e Televisión pública de Galicia sinalando que esa decisión está a causar un prexuízo á cidade. Na moción indicábase que este peche supuxo o despedimento de 12 de traballadores e o traslado do resto á delegación que a CRTVG ten en Vigo.
Con motivo da rehabilitación do antigo edificio da Xunta de Galicia, en Benito Corbal, os distintos partidos entenden que sería unha boa oportunidade establecer nestas instalacións a delegación sempre que a Xunta de Galicia acepte esta demanda. Ademais, sinalaron que esta apertura supoñería tamén a creación de postos de traballo.
O Partido Popular tamén voto a favor da moción aínda que sinalou que o peche da delegación de Pontevedra estaba relacionado coa creación da área metropolitana de Vigo e convidou o alcalde a financiar a creación desa delegación na cidade.
Relacionadas:
-
Pontevedra seguirá sen delegación da CRTVG ante o "veto" do PP á súa reapertura
Por Redacción |
-
O BNG solicita que a delegación da radio e televisión galega volva a Pontevedra
Por Oskar Viéitez |
-
En Marea esixe á Xunta a reapertura da delegación da CRTVG en Pontevedra
Por Redacción |
-
Instan á Xunta a que reabra a delegación da CRTVG en Pontevedra
Por Redacción |
-
Unha delegación da CRTVG en Benito Corbal?
Por Alejandro Espiño |
-
A TVG non "tomará ningunha medida" para dar máis cobertura informativa ao concello de Pontevedra
Por Redacción |