Apoio do goberno local de Pontevedra ao persoal da CRTVG, que este luns se atopa en folga
Por Anxo Lourido
Creada e actualizada
Creada e actualizada
Este luns 6 de marzo, o persoal da CRTVG (Corporación de Radio Televisión de Galicia) protagoniza unha folga de 24 horas para reclamar o cesamento dos "abusos" e coa intención de restablecer un clima laboral que sexa respectuoso cos dereitos das persoas que traballan no ente público.
O persoal, que leva realizando xornadas de protesta durante os "Venres Negros", iniciadas en 2018, denuncia o incumpliento de aspectos básicos da Lei galega de medios públicos por parte da dirección da entidade e alertan de manipulación informativa, precariedade, marxinación profesional e desmantelamento da estrutura de produción propia, segundo indican os convocantes deste paro.
Miguel Anxo Fernández Lores, alcalde de Pontevedra, vestíase unha camiseta de protesta co lema "Defende a Galega", do mesmo xeito que a portavoz do goberno local, Anabel Gulías, que mostrou o apoio do Concello de Pontevedra a traballadores e traballadoras da CRTVG.
"Sabemos das presiónas ás que son sometidas estas profesionais e consideramos que un medio público teña que estar soportando este tipo de cuestións propias doutra época", afirmou Gulías.
A continuación, a representante municipal aproveitou para "seguir reclamando que se volva abrir a delegación que a CRTVG tiña en Pontevedra", delegación que foi pechada en 2010, e reclamou á Xunta de Galicia que deixe de "ningunear" a Pontevedra. Alegou que o municipio ten moito que comunicar e necesidades comunicativas que deben ser prestadas a través deste medio público "mais que lle son privadas aos espectadores".
Por último, reclamou á CRTVG unha información "máis próxima, máis acaída e máis eficaz", manifestou Anabel Gulías.
Tamén Iván Puentes, portavoz municipal do PSOE, tamén amosou o apoio da súa agrupación ao persoal da empresa pública a través da rede social TikTok.
Relacionadas:
-
O PP de Pontevedra rexeita os informativos locais na programación da Radio Galega
Por Mónica Patxot & Anxo Lourido |
-
Pontevedra seguirá sen delegación da CRTVG ante o "veto" do PP á súa reapertura
Por Redacción |
-
O BNG solicita que a delegación da radio e televisión galega volva a Pontevedra
Por Oskar Viéitez |
-
Instan á Xunta a que reabra a delegación da CRTVG en Pontevedra
Por Redacción |