María Rey votará non ao orzamento por ser "poco participativo, poco ambicioso y poco equilibrado"
Por Alejandro Espiño
Redúcenselle as opcións ao BNG para sacar adiante o orzamento de 2017. Tras a negativa de Marea a aprobalo tal e como foi presentado polo Concello, agora foi a portavoz de Cidadáns, María Rey, a que avanzou o seu voto en contra ás contas municipais do próximo ano. "Votaremos no al BNG", explicou en rolda de prensa.
María Rey explicou que o orzamento presentado polo goberno municipal é "poco participativo" e lamentou, entre outras cuestións, que o Consello Económico e Social (CES) non tivese un papel "activo" na súa confección. Ademais, considera que é "poco ambicioso" e que non reflicte os problemas que ten Pontevedra.
A portavoz ve tamén que se trata dun orzamento "poco equilibrado" entre as diferentes partidas que se inclúen, deixando pouco espazo para a promoción económica, o rural ou os servizos sociais.
Neste sentido, Rey avanzou que o seu partido presentará unha serie de emendas parciais aos orzamentos, valoradas nun millón de euros, para lograr que se inclúa un programa de apoio aos emprendedores e empresarios pontevedreses para a creación de emprego ou para a contratación de máis traballadores para os servizos sociais municipais.
Iso si, a líder de Cidadáns en Pontevedra avanzou que aínda que o BNG acepte estas emendas ao orzamento o seu voto contrario aos orzamentos é "definitivo" e non se absterán en ningún caso.
Relacionadas:
-
O PSOE ofrece "estabilidade" ao goberno do BNG máis aló do orzamento de 2017
Por Alejandro Espiño |
-
O Concello non desbota vincular a aprobación do orzamento a unha moción de confianza
Por Alejandro Espiño |
-
"Non" do PP ao orzamento municipal: Moreira ve "insuficientes" as cesións do BNG
Por Alejandro Espiño |
-
Reunión "positiva" entre BNG e PP para negociar o orzamento municipal de 2017
Por Alejandro Espiño |
-
O PP, disposto a absterse na votación do orzamento se Lores rebaixa os impostos
Por Mónica Patxot & Anxo Lourido |
-
O Concello encargará un estudo para implantar o transporte público a demanda no rural
Por Alejandro Espiño |
-
Marea avanza o seu "non" ao orzamento municipal: "Son receitas que asumiría Donald Trump"
Por Alejandro Espiño |
-
O Consello Económico e Social analiza o borrador dos orzamentos municipais
Por Redacción |