José Manuel Rial, K.O. para toda a tempada
Por Redacción
O Condes de Albarei Teucro ten poucas esperanzas de poder volver contar esta tempada con José Manuel Rial.
O lateral teucrista foi intervido cirurxicamente este mércores no Hospital QuirónSalud Miguel Domínguez da lesión que se produciu no recente choque de liga ante o Bidasoa.
Segundo o resultado da resonancia magnética previa á que foi sometido sufría unha rotura limpa da rótula e tamén unha distensión no ligamento cruzado do seu xeonllo.
A operación resultou un éxito, pero o equipo médico non precisou un período exacto de recuperación, xa que dependerá da súa evolución nas próximas semanas e meses. En todo caso explican desde o club pontevedrés que as opcións de que regrese esta campaña ás pistas de xogo son escasas.
Con Rial fóra de combate, convertido ata agora nunha peza crave nos esquemas defensivos de Quique Domínguez, non se descarta poder buscar algún reforzo no parón invernal que comezará tras a eliminatoria de Copa, máis aló da volta doutro especialista defensivo como Johnny Medina tras a súa lesión.
Relacionadas:
-
Unha praga de lesións que parece non ter fin
Por Diego Espiño |
-
Segue adiante o Teucro na Copa do Rei tras remontar ante o Benidorm (28-24)
Por Diego Espiño & Mónica Patxot |
-
O Teucro quérese regalar unha remontada por Nadal
Por Diego Espiño |
-
O Condes de Albarei Teucro desfalece tras o descanso en Benidorm (31-27)
Por Redacción |
-
Ilusión copeira para o Teucro antes das vacacións de Nadal
Por Diego Espiño |
-
Honrosa derrota dun valente Teucro ante o todopoderoso Barcelona (28-38)
Por Diego Espiño & Mónica Patxot |
-
O Teucro teme que Rial padeza unha grave lesión de xeonllo
Por Diego Espiño |
-
Non pode Condes de Albarei Teucro cun Bidasoa en alza (32-26)
Por Redacción |