O Teucro quérese regalar unha remontada por Nadal
Por Diego Espiño
"Ante a nosa afección remontar catro goles é posible". Son palabras de Juan Quintas pero resumen a intención do plantel do Condes de Albarei Teucro de tentar ata o final voltear a eliminatoria da Copa do Rei ante o BM Benidorm.
Trátase dunha renda importante e o equipo conta con baixas de peso, que xa se notaron na segunda metade na localidade alacantina propiciando a reacción do Benidorm tras 40 minutos notables dos de Quique Domínguez, pero a ilusión de seguir adiante no Torneo do K.O. segue intacta.
Son 60 minutos os que quedan por afrontar este xoves (20:45 horas) no Pavillón Municipal dos Deportes, onde os azuis xa superaron en liga aos alacantinos.
"Temos moitas limitacións polas baixas e o desgaste físico pero novamente o equipo estou seguro de que dará a cara e tentará levantar a eliminatoria. Estamos preparados para conseguilo", asegura Quique Domínguez ante o que será o último esforzo do ano e referíndose aos problemas físicos de homes como Carlos García, que perdeu os dous últimos encontros, ademais dos lesionados Óscar Silva e Rial e do pivote Johhny Medina, que volverá ao equipo tras o parón.
O Benidorm pola súa banda viaxa a Pontevedra coa única baixa de Guillermo Corzo.
Relacionadas:
-
Segue adiante o Teucro na Copa do Rei tras remontar ante o Benidorm (28-24)
Por Diego Espiño & Mónica Patxot |
-
O Condes de Albarei Teucro desfalece tras o descanso en Benidorm (31-27)
Por Redacción |
-
José Manuel Rial, K.O. para toda a tempada
Por Redacción |
-
Honrosa derrota dun valente Teucro ante o todopoderoso Barcelona (28-38)
Por Diego Espiño & Mónica Patxot |