O Teucro teme que Rial padeza unha grave lesión de xeonllo
Por Diego Espiño
As lesións volven castigar unha vez máis ao Condes de Albarei Teucro, que podería perder a José Manuel Rial durante varios meses.
O lateral mancouse nos últimos minutos do encontro deste sábado en Irún, ante o Bidasoa, danando o xeonllo tras un forte golpe e facendo temer o peor.
Esas sensacións iniciais foron referendadas polas primeiras probas médicas ás que foi sometido tras chegar a Pontevedra e que apuntan a unha lesión de gravidade.
Os servizos médicos realizáronlle un TAC confirmando que se viu afectada a rótula do seu xeonllo, aínda que haberá que esperar ao resultado da resonancia magnética que está previsto realizarlle para coñecer o alcance exacto da doenza e o tempo estimado de baixa.
O que é seguro é que o xogador teucrista non estará dispoñible para a última xornada de liga do ano, o vindeiro mércores 13 ante o Barcelona. Unha ausencia sensible para Quique Domínguez ao tratarse dun xogador importante especialmente nos esquemas defensivos do equipo.
Relacionadas:
-
José Manuel Rial, K.O. para toda a tempada
Por Redacción |
-
Honrosa derrota dun valente Teucro ante o todopoderoso Barcelona (28-38)
Por Diego Espiño & Mónica Patxot |
-
Teucro-Barcelona no Municipal: Misión imposible?
Por Diego Espiño |
-
Non pode Condes de Albarei Teucro cun Bidasoa en alza (32-26)
Por Redacción |
-
Punto que vale ouro para o Teucro nun emocionante partido ante o Ciudad Encantada (21-21)
Por Diego Espiño & Diego Torrado |
-
Cangas e Condes de Albarei Teucro converten o empate nun clásico dos derbis (26-26)
Por Ramiro Espiño |