Buscan testemuñas dun accidente ocorrido en Andurique
Por Oskar Viéitez
A Policía Local de Poio solicitou a colaboración cidadá para tratar de esclarecer un accidente de tráfico ocorrido este martes na rúa Andurique.
O sinistro tivo lugar sobre as 12:05 horas entre un coche e unha motocicleta.
Segundo informaron fontes oficiais da Policía Local, ambos os vehículos circulaban en dirección a Poio e, ao chegar á rotonda da panadería Acuña, o coche golpeou a motocicleta facendo saír da calzada ao condutor. O turismo deuse á fuga.
O piloto da motocicleta resultou lesionado e foi trasladado por unha ambulancia do 061 ata un centro sanitario para ser atendido das súas feridas.
A Policía Local iniciou unha investigación para aclarar a causa do sinistro para o que busca testemuñas facendo un chamamento á cidadanía nas redes sociais: "Se tes información ou viches ou vehículo fuxido avísanos".
Para colaborar na resolución deste proceso facilitaron o número de teléfono 689575495 e o correo electrónico policialocal@concellodepoio.es
Relacionadas:
-
Segundo accidente con fuga en Poio nunha semana: buscan un Fiat Punto por provocar a caída dun ciclista
Por Natalia Puga |
-
Activan en Poio unha campaña especial de vixilancia sobre o transporte de mercadorías
Por Redacción |
-
A colaboración cidadá permite deter dous agresores machistas en Pontevedra
Por Oskar Viéitez |
-
Ratifican a condena ao condutor bébedo que causou un accidente no que faleceron unha muller e os seus dous fillos
Por Oskar Viéitez |
-
Unha muller ferida nunha colisión frontal entre dous turismos en Marcón
Por Natalia Puga |
-
Investigan a morte dun home de 51 anos que apareceu á beira dun tractor no monte O Facho
Por Natalia Puga |
-
A pasaxeira sobrevivente de Pedre: "o autobús foise en plancha, unha especie de aquaplaning e o condutor non podía ter o control"
Por Natalia Puga & Mónica Patxot |