Publicado o bando municipal para a limpeza e o ornato dos cemiterios de Marín
Por Redacción
O Concello de Marín vén de publicar o bando municipal que rexe a boa presenza e ornato dos cemiterios e camposantos municipais, que aínda que ten que aplicarse sempre, é especialmente desexable nunha época tan sinalada como a celebración do Día de Defuntos, que trae a moitos visitantes a estes lugares.
Por iso, desde o Concello piden ás persoas propietarias dos panteóns que procedan á limpeza dos terreos, sepulturas e nichos e ao pintado dos panteóns que non se atopen nas debidas condicións estéticas e de armonización co resto dos panteóns do entorno, sempre poñendo en coñecemento das actuacións a levar a cabo ao persoal encargado do cemiterio.
Ademais, co obxecto de fomentar a limpeza e decoro dos cemiterios municipais, o Concello sinala que os labores de mera limpeza non requiren de ningún título habilitante municipal.
En calquera caso, prohíbense os chorreos de area sobre as fábricas de pedra vista e no caso dos chorreos de auga a presión precisarase de autorización da Consellería de Cultura, Educación e Ordenación Universitaria.
AMPLIACIÓN DO HORARIO DE APERTURA
A visita aos cemiterios municipais poderá realizarse nun horario ampliado ao habitual os días 31 de outubro e o 1 de novembro. Será de 08.00 a 20.00 horas.
Dentro da instalación, a veciñanza e as persoas usuarias da mesma deberán manter en todo momento o respecto axeitado aos demais usuarios e visitantes.
PODA DE OUTONO
Por outra banda, xa está iniciada a poda outonal que se realiza nas zonas verdes do municipio. Estes traballos "adxudicáronse por lotes á mesma empresa, que presentou as ofertas máis vantaxosas", explicou a concelleira de Parques e Xardíns, Cristina Acuña.
A edil explicoi que, igual que se fixo o pasado ano, a poda será menos agresiva do que se viña facendo noutros momentos, "consistindo sobre todo na limpeza, retirada de ramas secas e demais labores de saneamento profundo, que permite que manteñamos follaxe nas copas das árbores". Esta é unha decisión que se agradeceu moito pola veciñanza, porque así conséguese que de cara á primavera sexan mantidas as zonas de sombra.
Relacionadas:
-
O PP solicita o "acondicionamento integral" de todos os cemiterios municipais
Por Redacción |
-
Andainas de Outono, dúas rutas para coñecer a pé a riqueza ambiental de Marín
Por Oskar Viéitez |
-
Poda de seguridade nas árbores da Caeira ante a chegada do inverno
Por Redacción |
-
Actuación de Augas de Galicia no tramo interurbano do río Patela en Cuntis
Por Redacción |
-
O plan de rozas de Poio suma xa medio millón de euros este ano
Por Redacción |