Ponse en marcha o servizo directo da OMIX nos centros educativos de Soutomaior
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Goberno local do Concello de Soutomaior valora coma un éxito a participación na primeira xornada da posta en marcha do servizo directo da Oficina Municipal de Información Xuvenil (OMIX) no Instituto de Educación Secundaria Soutomaior e no Colexio Santiago Apóstol.
Centos de estudantes se achegaron a este punto para recoller a información das actividades que o concello está organizando.
O Concello de Soutomaior a través da Concellería de Mocidade pon en marcha o programa "InfoExpress" co obxectivo de achegar a información á mocidade matriculada nos centros educativos do municipio.
O alcalde e concelleiro de Educación, Manu Lourenzo, e a técnica da OMIX, Sonia Pintos, levaron este punto de información itinerante a estes centros educativos nesta xornada creando espazos seguros onde a información chegou a mocidade de xeito "fiable e directo" para que poidan estar ao día de todas as actividades ou campañas das que se poden beneficiar.
Os obxectivos que persegue esta iniciativa son: achegar á mocidade a información do seu interese, motivar a participación nas actividades municipais e facilitar a obtención do carné xove.
Na primeira fase deste proxecto, nesta xornada e de maneira presencial alcalde e ténica da OMIX estiveron no IES de Soutomaior e no Colexio Santiago Apóstolo, co fin de poñer a disposición do alumnado o servizo, que difundirá as actividades municipais que se están organizando dirixidas a eles, dentro dos programas: Rede AVIVA, Outono Aventura ou Noctámbulas, entre moitos outros. Tamén se tramitará o Carné xove.
Con este "InfoExpress", tal e como afirma o alcalde de Soutomaior, Manu Lourenzo, "o que queremos é informar debidamente e achegarlle a nosa mocidade todas as actividades que, para elas e eles, ofertamos dende o concello, e tamén, darlles todas as facilidades para que conten cunha ferramenta tan importante para eles como é o carné xove".
Relacionadas:
-
A mocidade de Soutomaior infórmase de Noctámbulas e da Festa da Ostra
Por Oskar Viéitez |
-
A OMIX de Soutomaior tramitou máis carnés xoves en outubro e novembro de 2023 que en todo 2022
Por Redacción |
-
Volve Noctámbulas, o programa de lecer e tempo libre para a mocidade de Soutomaior
Por Redacción |
-
A zona azul estará vixente en Arcade a partir do vindeiro 23 de outubro
Por Redacción |
-
Esgotadas as 720 prazas para as visitas teatralizadas de Samaín no Castelo de Soutomaior
Por Redacción |
-
A última descendente viva da linaxe dos Soutomaior visita a Casa Museo de Colón
Por Redacción |
-
3.930 persoas pasaron pola oficina de turismo de Soutomaior este verán, dez veces máis que antes da pandemia
Por Redacción |