As orquestras La Fórmula e Panorama serán este ano as protagonistas das festas da Saleta, que se celebran en Raxó entre o venres 29 de setembro e o domingo 1 de outubro. 

A comisión de festas anuncia que nos próximos días comezará a pedir fondos porta a porta pola parroquia para axudar a pagar a festa. Irán identificados con camisetas e deixarán un recibo asinado e con selo co importe da doazón.

A programación difundida esta fin de semana pola comisión de festas abrirá o venres 29 de setembro cunha batalla de DJ na Festa da Xuventude.

O sábado 30 de setembro, o día comezará con pasarrúas, misa e a procesión terrestre e, pola tarde, a programación incluirá animación infantil.

Na noite do sábado actuarán as orquestras La Fórmula e Florida Band e o fin de festa chegará coa tirada de fogos artificiais. 

O domingo a xornada comezarán con pasarrúas e ás 11.00 horas está prevista a tradicional competición de traiñeiras.

Pola tarde haberá misa solemne e procesión marítima e, pola noite, o espectáculo musical correrá a cargo da orquestra Panorama.