Revista á aldea modelo de Parada-Mouteira e o polígono agroforestal de Tomonde-Vilalén
Por Redacción
O alcalde do Concello de Cerdedo-Cotobade, Jorge Cubela, mantivo este xoves unha reunión de traballo coa directora da Axencia Galega de Desenvolvemento Rural (Agader), Inés Santé, na que analizaron a marcha dos traballos que se están levando a cabo na aldea modelo de Parada-Mouteira e no polígono agroforestal de Tomonde-Vilalén.
Durante a reunión tamén estudaron canles de colaboración entre ambas as dúas institucións de fronte ao ano 2024 para mellorar camiños de titularidade municipal en todo o territorio.
En concreto en Parada-Mouteira estanse actualmente acometendo traballos de limpeza e recuperación nas parcelas incluídas nesta aldea (427 parcelas) para poñelas a producir mediante a actuación de Agader cos agricultores, gandeiros ou silvicultores interesados.
O obxectivo é que o conxunto dos terreos recuperados funcionen ademais como barreira natural fronte ao lume, ao ser os cultivos os que actúan como método de protección, sen necesidade de rozar e limpar de forma periódica.
Todos os terreos recuperados serán incorporados ao Banco de Terras de Galicia, de maneira que as persoas titulares reciban unha compensación económica anual.
Por outra banda, Cubela e Santé analizaron a marcha dos traballos iniciados xa no polígono agroforestal de Tomonde-Vilalén que ocupa un total de 67,88 hectáreas que estarán dedicadas exclusivamente ao cultivo de mazá de sidra.
Relacionadas:
-
Cerdedo-Cotobade acolle unha xornada sobre comunidades enerxéticas baseadas en biomasa
Por Redacción |
-
Medio Rural destinará 49.000 euros á construción dunha praza pública en San Pedro de Parada
Por Redacción |
-
Comeza o procedemento de investigación da titularidade de inmobles na aldea modelo
Por Redacción |
-
Aprobado o proxecto de ordenación produtiva da aldea modelo de Mouteira-Parada
Por Oskar Viéitez |
-
A aldea modelo de Mouteira-Parada e o polígono agroforestal recuperarán preto de 90 hectáreas de terras agrarias
Por Redacción |