Aprobado o proxecto de ordenación produtiva da aldea modelo de Mouteira-Parada
Por Oskar Viéitez
O Diario Oficial de Galicia (DOG) publica este venres a resolución pola cal se aproba o proxecto de ordenación produtiva da aldea modelo de Mouteira-Parada, no concello de Cerdedo-Cotobade.
Esta aldea modelo destinarase principalmente á gandería en extensivo e aos cultivos agrícolas complementarios, xa que ofrece unhas condicións idóneas para esta finalidade. Como actividade secundaria, contémplase tamén a plantación de árbores para a obtención de froito e o aproveitamento apícola.
O obxectivo principal das aldeas modelo é devolver á produción terras con boa aptitude agronómica que se atopen en estado de abandono ou infrautilización. Búscase impulsar nova actividade económica agroforestal que non só fixe poboación e xere riqueza, senón que tamén reduza o risco de incendios forestais e mellore a calidade de vida dos veciños destes núcleos.
Cómpre sinalar que desde a entrada en vigor da Lei de recuperación -en maio de 2021- arredor de 10.000 hectáreas de terreo están sendo obxecto de desenvolvemento dun instrumento de recuperación de terra agraria, correspondentes a 21 polígonos agroforestais, a 21 aldeas modelo e a permutas impulsadas no concello de Friol, na provincia de Lugo. Ademais, a Consellería do Medio Rural destina neste 2023 un total de 5,9 millóns de euros para o desenvolvemento de instrumentos de recuperación da terra agraria, un 11% máis ca 2022. Deste motante, uns 4,4 millóns serán para actuacións en polígonos agroforestais e aldeas modelo.
Relacionadas:
-
Cerdedo-Cotobade acolle unha xornada sobre comunidades enerxéticas baseadas en biomasa
Por Redacción |
-
Revista á aldea modelo de Parada-Mouteira e o polígono agroforestal de Tomonde-Vilalén
Por Redacción |
-
O polígono de Tomonde e a aldea modelo de Parada, exemplos de recuperación de terras agrarias
Por Redacción |
-
Comeza o procedemento de investigación da titularidade de inmobles na aldea modelo
Por Redacción |
-
Vinte persoas reforzarán o plantel do Concello de Cerdedo-Cotobade
Por Redacción |
-
Investigan unha persoa que provocou un incendio por unha tala dun eucalipto sen as debidas medidas de seguridade
Por Redacción |
-
Poñer en valor o monte veciñal, obxectivo das comunidades do Sangal e Alto do Seixo
Por Redacción |
-
A aldea modelo de Mouteira-Parada e o polígono agroforestal recuperarán preto de 90 hectáreas de terras agrarias
Por Redacción |
-
O DOG publica a declaración de utilidade pública da aldea modelo de Mouteira-Parada
Por Redacción |