Lores, sobre as Festas da Peregrina: "É incrible a cantidade de xente que hai"
Por Redacción
O alcalde de Pontevedra mostrouse este mércores encantado co desenvolvemento da semana grande das Festas da Peregrina, e a gran asistencia de veciños e visitantes aos actos organizados durante todos estes días.
"Estou asustado porque non hai un evento que non teña unha asistencia masiva", asegura Miguel Anxo Fernández Lores.
"É incrible a cantidade de xente que hai", defende o rexedor da Boa Vila cando se chega ao ecuador dos festiejos.
As actividades da Festa da Peregrina seguen adiante con diversos puntos de interese e as citas musicais como gran punto de atención. Neste sentido este mércores 16 de agosto os concertos protagonizaranos o dúo Fetén Fetén (21:00 horas) no escenario da Praza da Ferrería e no da Praza de España, farao Baiuca, unha das referencias da música electrónica galega.
O xoves 17 de agosto, pola súa banda, Os Coribantes de Buchabade serán os que se suban ao escenario da Praza da Ferrería (21:00 horas) e, a continuación, será a quenda da veterana banda de rock Mago de Oz (22:30 horas) na Praza de España.
A recta final das festas arrincará o venres 18 coa Batalla de Flores (18:00 horas) por Loureiro Crespo, Benito Corbal, Cobián Roffignac e Pai Amoedo; o espectáculo infantil Tarzán, ou musical (21:00 horas) na Praza de España; e un tributo a Mecano (22:30 horas) na Praza da Ferrería.
Vanesa Martín, que actuará o sábado 19 de agosto (22:30 horas) na Praza de España, será o prato forte desta xornada, na que ademais será o concerto de corais na Ferrería (21:00 horas) con Coral Alameda do Fogar do Maior, Coral Bela Helenes, Coral Helénica, Coral Polifónica de AC do Chopo, Coral Airiños de Campañó e Coral Pontus Veteris.
As Festas da Peregrina concluirán o domingo 20 de agosto co concerto do trío Chroma (21:00 horas) na Praza da Ferrería, a actuación de Pimpinela (22:30 horas) na Praza de España e o tradicional espectáculo pirotécnico entre as pontes do Burgo e Santiago.
Relacionadas:
-
A Batalla de Flores regala colorido e diversión antes da chuvascada
Por Diego Espiño & Mónica Patxot |
-
'Festa pagá' con Mägo de Oz na Praza de España
Por Redacción & Mónica Patxot |
-
Rayden substitúe a Pimpinela no cartel das Festas da Peregrina
Por Diego Espiño |
-
Baiuca pon a bailar ás Festas da Peregrina
Por Redacción & Mónica Patxot |
-
O rapero Recycled J e o espectáculo Kine Circus protagonizan unha nova xornada de abarrote nas Festas da Peregrina
Por Redacción |
-
Operativo especial de tráfico o venres 18 de agosto pola Batalla de Flores
Por Redacción |
-
Circo e acrobacias na Praza da Curtidoira para facer as delicias dos pequenos da casa
Por Mónica Patxot & Redacción |
-
O mellor rap e clásicos de pop, rumba e indie poñen ritmo á noite do luns
Por Mónica Patxot & Redacción |
-
O arranque das Festas da Peregrina, "un éxito" coa cidade "petada todos os días"
Por Natalia Puga |
-
Furious Monkey House e La M.O.D.A., banda sonora dun domingo con Pontevedra repleta
Por Diego Torrado & Redacción |