O PP designa os deputados provinciais dos Partidos Xudiciais de Pontevedra, Tui e Ponteareas
Por Redacción
O Partido Popular designou este xoves aos deputados provinciais nos Partidos Xudiciais de Pontevedra, Tui e Ponteareas.
No Partido Xudicial de Pontevedra os deputados serán o líder do PP na cidade, Rafa Domínguez; o alcalde de Cerdedo-Cotobade e actual voceiro do grupo provincial, Jorge Cubela; a alcaldesa de Marín, María Ramallo; e a voceira do PP en Cuntis, Isabel Couselo que, no seu caso, compartirá mandato co alcalde de Portas, Ricardo Martínez, que ocupará o escano os últimos dous anos.
No Partido Xudicial de Tui os deputados provinciais serán os alcaldes do Porriño e da Guarda, Alejandro Lorenzo e Roberto Carrero, que neste caso compartirá escano con Lara Meneses, de Tomiño.
No Partido Xudicial de Ponteareas os dous primeiros anos de mandato a deputada será Nava Castro, alcaldesa de Ponteareas, e os dous últimos, Pablo Castillo, alcalde de Covelo.
Con estas designacións, que fixeron ao longo deste xoves os concelleiros do Partido Popular nas súas respectivas xuntas electorais, o PP ten practicamente pechado o seu Goberno, á espera de que mañá se designen os tres deputados do Partido Xudicial de Vigo, que un recaerá en Marta Fernández-Tapias.
Segundo explica o presidente provincial e próximo presidente da Deputación de Pontevedra, Luis López, estase formando a un equipo cos mellores perfís para "ofrecerlle aos pontevedreses o mellor goberno provincial posible". Un goberno que, como indicou hai uns días, "centrarase en recuperar a súa eficacia para dar apoio e colaborar con todos os concellos da provincia".
Relacionadas:
-
Críticas socialistas contra a alcaldesa María Ramallo por gañar máis que Pedro Sánchez
Por Redacción |
-
A Deputación pecha o mandato de Carmela Silva co pleno de actas que serviu de despedida da corporación
Por Oskar Viéitez |
-
Luis López tomará posesión o 6 de xullo como novo presidente da Deputación de Pontevedra
Por Alejandro Espiño |
-
Nomeado o novo goberno no Concello de Cuntis
Por Redacción |
-
Javier Tourís e Marcos Guisasola, designados deputados provinciais do PP polo Partido Xudicial de Cambados
Por Redacción |
-
Mosquera seguirá como deputado provincial polo BNG
Por Oskar Viéitez |
-
O PSdeG-PSOE conforma o seu grupo provincial na Deputación designando os seus 9 deputados
Por Oskar Viéitez |