Cambios de sentido de circulación no Grove desde este 1 de maio
Por Redacción
O Concello do Grove anuncia, a través de redes sociais, que a partir deste luns 1 de maio se establece un cambio de sentido de circulación nas rúas Conchases e Rosalía de Castro.
Está previsto que se acometan obras na Rúa Alexandre Bóveda consistentes en cambios de tubaxes de augas pluviais, o goberno local aproveita para cambiar o sentido do tráfico rodado nestas vías coa intención de que se converta en definitivo.
O acceso á Rúa Rosalía de Castro realizarase pola Avenida de Portugal con saída por Alexandre Bóveda mentres que á Rúa Conchases, ao contrario de como se atopaba ata o de agora, accederase por Alexandre Bóveda.
Está previsto que se estableza unha zona de estacionamento provisional nas inmediacións e na contorna da Rúa Carballeira só permitirase acceso restrinxido para residentes e clientes do Supermercado Froiz, que se atopa nesa zona, segundo indican no mapa que recolle os cambios previstos nestas rúas.
Desde o goberno municipal piden desculpas polas molestias que poidan causar estas obras á veciñanza da zona.