![](/web/cache/scene/uploads/fotos/foto/b0d/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/64464e9e39-20230424-patxot-cgt-plaza-biblioteca-a-la-ma-cristina-villaverde-0321.jpg)
© Mónica Patxot
CGT denuncia irregularidades na creación da praza de auxiliar bibliotecario na Lama para favorecer o candidato do PP en Ponte Caldelas
![](/web/cache/scene/uploads/fotos/foto/fb1/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64464ec22d-20230424-patxot-cgt-plaza-biblioteca-a-la-ma-cristina-villaverde-0324.jpg)
© Mónica Patxot
![](/web/cache/scene/uploads/fotos/foto/503/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64464ed29f-20230424-patxot-cgt-plaza-biblioteca-a-la-ma-cristina-villaverde-0319.jpg)
© Mónica Patxot
![](/web/cache/scene/uploads/fotos/foto/9b9/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/64464edecf-20230424-patxot-cgt-plaza-biblioteca-a-la-ma-cristina-villaverde-0323.jpg)
© Mónica Patxot
Cristina Villaverde Ruibal leva máis de 23 anos exercendo o traballo como auxiliar administrativo e auxiliar de Biblioteca e informadora socio-xuvenil no Concello da Lama e sente que está a sufrir un "atropelo intolerable".
Desde xaneiro de 2022 ten recoñecida a súa indefinidade no posto de traballo pero. a cinco días de que a lei dos Interinos entrase en vigor, o goberno local que lidera o alcalde Jorge Canda convocou a oposición para esa praza. A diferenza do que sucedía en anteriores convocatorias do proceso de estabilización do persoal municipal, Cristina Villaverde, afiliada á CGT, indica que nesta ocasión o tribunal cualificador está formado por persoas alleas ao Concello.
Argumenta que tanto o presidente, secretaria como dous vogais do tribunal pertencen a municipios gobernados, como A Lama, polo Partido Popular. A aspirante alerta de que a outra persoa que pasou a primeira proba desta oposición é Antón Xil Alcántara, portavoz do PP de Ponte Caldelas e candidato á alcaldía deste municipio.
Desde a CGT alertan de que Antón Xil carece de titulación específica ou de experiencia profesional algunha relacionada directamente coa praza de auxiliar bibliotecario e informador xuvenil. E lembran que Xil é a persoa que exerce como responsable de prensa e de xestión de redes sociais no Concello da Lama, ademais de ser o director da radio municipal 'Radio Nova'. Tamén exerce funcións xornalísticas para o Concello de Cerdedo-Cotobade e Campo Lameiro, cuxos alcaldes do PP participaron no nomeamento dos integrantes do tribunal cualificador, a pedimento da alcaldía da Lama.
Cristina Villaverde presentou un recurso de alzada ante o Concello da Lama pola constitución do tribunal sen que recibira resposta. No primeiro exame da convocatoria, celebrado o 10 de abril, ao que se presentaron seis persoas, o candidato do PP á alcaldía de Ponte Caldelas obtivo un 7,8 mentres que Villaverde quedou cun 5,6. O resto de aspirantes suspenderon.
"Foi un exercicio moi viciado", explica Villaverde, ao sinalar que o exame non se atopaba en sobre lacrado, as preguntas eran "confusas" e o presidente do Tribunal impediu, a pesar da protesta dalgún outro opositor, que se puidesen levar copias dos exames ou extraer algún papel da sala ao terminar a proba.
Ante esta situación, a actual auxiliar de biblioteca na Lama teme que na proba práctica prevista para o 2 de maio existan criterios para beneficiar o outro aspirante polo vencellamento que mantén co goberno local. Admite que está a estudar coa súa avogada recorrer á xustiza para denunciar estes feitos.
Cristina Villaverde, afectada: "Non estou disposta a tolerar prácticas caciquís"
"Cando cumpro 62 anos e máis de 23 de traballo no Concello da Lama no mesmo posto, e cando me obrigan a unha oposición para confirmarme como persoal laboral fixo, non estou disposta a tolerar ningún atropelo á miña profesionalidade e dignidade, nin a tolerar prácticas caciquís e discriminatorias co dereito ao traballo", explica a principal afectada por esta situación.
Miguel Ángel Cuña, secretario xeral de CGT Pontevedra, cualificou estes feitos como unha "cacicada inmensa que non estamos dispostos a tolerar" e un "despropósito" que ameaza coa perda dun posto laboral dunha traballadora "sen xustificación", alegando as numerosas irregularidades neste proceso selectivo.
Cristina Villaverde denuncia falta de transparencia na oposición da praza de auxiliar de biblioteca na Lama
Cristina Villaverde, traballadora afectada e afiliada á CGT. Miguel Ángel Cuña, secretario xeral de CGT Pontevedra
© PontevedraViva
Relacionadas:
-
O xulgado ve un posible tráfico de influencias nunha oposición da Lama e ordena seguir investigando
Por Natalia Puga |
-
Antón Xil presenta a súa lista prometendo rebaixar un 20% o custe actual do equipo de goberno
Por Redacción |
-
CGT pide unha loita en unidade contra o paro, a precariedade e a exclusión social
Por Cristina Saiz & Redacción |
-
O Concello da Lama reclama o "máximo respecto" cara a oposición cualificada de "cacicada" pola CGT
Por Redacción |
-
O PP presenta a Antón Xil en Ponte Caldelas como "alternativa" ante un goberno "cunha atención clientelar, populista"
Por Redacción |