O Castelo de Soutomaior e os pazos de Lourizán, Rubiáns e Quinteiro da Cruz, adhírense á Rede Europea de Xardíns Históricos
Por Redacción
Este mércores tivo lugar o acto de entrega de placas e diplomas que certifican a adhesión de nove xardíns de Galicia á Rede Europea de Xardíns Históricos.
Este Itinerario Cultural Europeo, pertencente ao Consello de Europa, agrupa 41 espazos botánicos de Europa, relevantes polo seu valor histórico, artístico e botánico.
Entran a formar parte desta Rede, o Pazo de Rubiáns (Vilagarcía), o Pazo Quinteiro da Cruz (Ribadumia), o Pazo de Lourizán (Pontevedra), o Pazo de Mariñán (A Coruña), o Pazo Museo de Quiñones de León (Vigo), a Alameda de Santiago de Compostela, o Pazo de Santa Cruz de Ribadulla (Vedra), o Pazo de Oca (A Estrada), e o Castelo de Soutomaior (Soutomaior).
Todos estes xardíns forman parte da Ruta da Camelia, nos que se atopan a maior colección e variedade de camelias de Europa.
A directora de Turismo de Galicia, Nava Castro, manifestou que "para Galicia, a posta en valor do patrimonio natural é clave na promoción do turismo como recurso diferenciador da nosa comunidade".
Relacionadas:
-
O Pazo de Lourizán, a un paso de ser BIC e lograr a protección integral
Por Natalia Puga |
-
Doazóns de máis de 90 especies de Areeiro para embelecer os parques e xardíns da provincia
Por Redacción |
-
TéAreeiro, un té de camelia feito en Pontevedra que "sabe a natureza"
Por Redacción |
-
O xardín de camelias da Finca Areeiro acada a excelencia internacional
Por Redacción |