Lores reclama a Rueda que abandone as "escusas de mal pagador" e amplíe O Campiño
Por Alejandro Espiño
O alcalde de Pontevedra, Miguel Anxo Fernández Lores, esixiu este mércores ao presidente da Xunta de Galicia, Alfonso Rueda, que deixe ao carón as "escusas de mal pagador" e comece a tramitar a ampliación do polígono industrial do Campiño.
Entende Fernández Lores que se debe "planificar xa" esta ampliación porque este tipo de actuacións "hai que prevelas con tempo". As poucas parcelas dispoñibles, segundo o rexedor, "pódese esgotar" nun ou dous anos, polo que hai que actuar con certa previsión.
"Non hai que darlle máis voltas. Hai que facelo. É de perogrullo", sostivo o alcalde, que censurou que o presidente galego descartara esta actuación, polo menos por agora, alegando que aínda hai solo dispoñible neste polígono.
A este respecto, Lores criticou a existencia de parcelas vendidas no seu día e que xamais foron desenvolvidas, sen que o executivo autonómico esixira a súa devolución. Unha delas, asignada a Cementos Cosmos, de máis de 26.000 metros cadrados.
Tras soster que será Rueda o que deba explicar aos empresarios por que non é necesaria esta actuación, o alcalde reiterou que "é necesario que se empece xa con isto porque a competencia é súa e non hai volta de folla".
Relacionadas:
-
Lores lamenta que o presidente da Xunta recomende ao Concello "que abandone o seu dereito a defender a ría"
Por Anxo Lourido & Mónica Patxot |
-
Xerra de auga fría á ampliación do Campiño: "Imos primeiro a enchelo", afirma Rueda
Por Alejandro Espiño |
-
O PP de Pontevedra tamén pedirá á Xunta a ampliación do parque empresarial do Campiño
Por Oskar Viéitez |
-
Andrés Díaz pide á Xunta a ampliación do polígono empresarial da Reigosa
Por Redacción |
-
O PP responsabiliza a Lores de que non se creara "nin un só metro" de solo industrial en 24 anos
Por Redacción |
-
Pontevedra reclama ampliar O Campiño antes de 2026 para non "estrangular" a demanda de solo industrial
Por Alejandro Espiño |