Oito empresas da provincia foron sancionadas por incumprir a normativa de igualdade en 2022
Por Redacción
Maica Larriba, subdelegada do Goberno, acudía este vierenes a unha xornada sobre as actuacións da Inspección de Traballo para regular a igualdade laboral. Esta sesión, organizada pola Unidade de Violencia sobre a Muller da Subdelegación do Goberno en Pontevedra, inclúese no programa emprendido con motivo da conmemoración do Día Internacional da Muller.
Mónica González Otero, inspectora de traballo na provincia e espeicalista en feminismos xurídicos e igualdade laboral, foi a encargada de realizar a exposición.
Durante o acto, Maica Larriba sinalaba que en 2022, a Inspección Provincial de Traballo realizou 316 intervencións relacionadas coa aplicación da lexislación en materia de igualdade.
Comprobouse a situación de máis de 7.200 traballadores na aplicación práctica de sete campañas da inspección sobre discriminación salarial, discriminación no acceso ao emprego; na relación laboral; negociación colectiva; se se cumpren dereitos de conciliación ou se se rexistraban situacións de acoso sexual ou por razón de sexo, entre outras.
O resultado mostra que oito empresas da provincia foron sancionadas por incumprimentos da normativa, dato que reflicte que un 2,5% das empresas controladas foron apercibidas. As sancións conlevaron multas económicas entre 751 e 7.500 euros.
Larriba insistiu no labor que o Goberno central realiza na mellora da vida das persoas, co obxectivo de avanzar cara a unha igualdade efectiva.
Relacionadas:
-
8M | As mulleres tamén son máis da metade na Fiscalía de Pontevedra: seis de cada dez
Por Natalia Puga |
-
8M | Pontevedra volve saír á rúa: “Somos feministas os 365 días do ano”
Por Mónica Patxot & Redacción |
-
8M | Reivindicar o papel das mulleres, eixe dos actos conmemorativos no campus pontevedrés
Por Redacción |