A xuízo unha banda de "narcofroiteiros"
Por Oskar Viéitez
A sección cuarta da Audiencia Provincial sinalou a partir do próximo mércores, día 15 de febreiro, o xuízo contra nove persoas acusadas de formar parte dunha organización de narcotraficantes que trataba de introducir cocaína nun envío legal de froita procedente de Ecuador.
Dous dos acusados son veciños de Vilanova, un de Vilagarcía, outro de Ourense, dous son colombianos e tres ecuatorianos. Falta o suposto xefe que conseguiu escapar.
Estes procesados afrontan unha petición de penas por parte a Fiscalía Antidroga que supera os 120 anos de cárcere, ademais de elevadas multas.
O Ministerio Público relata no seu escrito de acusación que esta banda pretendía trasladar un alixo de 359 quilos de cocaína, valorado en 14 millóns de euros, desde Colombia ata #Ecuador, onde o camuflarían nun envío legal de froita nun contedor marítimo con destino ao porto portugués de Leixões e desde alí por estrada ata a nave dunha empresa de froitas situada no polígono ourensán de San Cibrao das Viñas.
A causa procede do Xulgado número 1 de Vilagarcía, e foi o resultado dunha longa investigación policial na que participou a axencia estadounidense DEA que foi a que facilitou a información que iniciou o caso.
Relacionadas:
-
Penas de entre 2 e 8 anos de prisión para unha rede que 'coaba' cocaína en España en contedores de froita
Por Natalia Puga & Mónica Patxot |
-
Confiscan haxix, unha pistola de balotes e unha navalla nun control de tráfico en José Malvar
Por Redacción |
-
Desarticulan un grupo criminal que distribuía cocaína en Galicia e Portugal
Por Redacción |
-
A Lama contará con unidade canina propia para previr a introdución de droga en prisión
Por Oskar Viéitez |
-
A investigación do coche calcinado en Estribela, pendente do interrogatorio ao home queimado
Por Natalia Puga |