A campaña 'Caixas de ilusión' recolle 400 quilos de alimentos que se entregarán entre 50 familias de Poio
Por Redacción
O persoal de Servizos Sociais levará a cabo estes días o reparto dos alimentos non perecedoiros, uns 400 quilos aproximadamente, que os colectivos Moura Teatro e Os Queimatasas foron quen de reunir a través da campaña solidaria 'Caixas de ilusión'.
Durante boa parte dos meses de novembro e decembro, a través desta iniciativa repartíronse caixas por numerosos locais, edificios públicos e establecementos de Poio, nas que os veciños fixeran entrega de todo tipo de produtos.
Estas doazóns repartiranse entre arredor de 50 familias con menos recursos económicos do concello.
A esta cantidade hai que sumarlle os máis de 500 quilos que tamén se reuniron a través do festival solidario 'Nadal, con parte de ti', que tivo lugar o pasado día 11 en Combarro e que estivo promovido pola Asociación Virxe da Renda.
Ademais, nestas tamén se iniciou o reparto de todos os xoguetes de segunda man doados pola veciñanza a través da campaña 'Ningunha crianza sen sorriso'.
Relacionadas:
-
A Orquesta La Ocaband, coa colaboración de Pepo Suevos e Manquiña, actúa este luns na Seca
Por Redacción |
-
O Fondo de Emerxencia Social do Concello de Poio auxiliou a unhas 200 familias no 2022
Por Redacción |
-
Entrega de xoguetes e lotes de roupa na inauguración da nova sede de Boa Vida
Por Redacción |
-
Un domingo de 'papanoelada' moteira en Poio para gozar das festas
Por Redacción & Cristina Saiz |
-
Servizos Sociais de Poio repartirá os 500 quilos de alimentos recadados no festival "Nadal, con parte de ti"
Por Redacción |