Os máis pequenos prenden a maxia do Nadal en Sanxenxo
Por Redacción
Os máis pequenos de Sanxenxo foron este ano os encargados de poñer a maxia para que o Nadal ilumine a localidade. Este sábado foron os encargados de premer o botón para inaugurar o alumeado festivo mentres o aire brillaban 350 paus de escuma luminosos led.
O acto oficial de acendido da iluminación do Nadal celebrouse na Praza de Pascual Veiga cunha programación de actividades organizadas polo Concello e a asociación Entretendas.
Javi Solla puxo a banda sonora ao acto, que tamén incluíu unha zona glitter e animación para os asistentes.
A iluminación permanecerá acendida ata o 8 de xaneiro. Cada día estará activa desde as 18:30 horas ata a unha da madrugada.
O Concello colocou 406 elementos decorativos LED que se estenderon por 55.886 metros cadrados das sete parroquias do municipio.
A empresa Creacións Luminosas encargouse da iluminación despois de que resultase o ano pasado a adxudicataria do servizo durante dous anos por 235.958 euros.
Co aceso dará comezo un amplo programa de actividades que terá como obxectivo espremer ao máximo o ambiente festivo nas rúas, prazas e lugares públicos do municipio.
Relacionadas:
-
Papa Noel instálase na Casa Mariñeira de Don Fernando
Por Redacción |
-
Autocine de Nadal na Praza do Mar coa película "Clifford, el perro rojo"
Por Redacción |
-
Todo a punto en Sanxenxo para dar este sábado unha luminosa benvida ao Nadal
Por Redacción |
-
Máis de 40 actividades para o regreso á normalidade do Nadal de Sanxenxo
Por Redacción |