José Flores anuncia a reactivación do consultorio de Vilaxoán a partir do 10 de novembro
Por Redacción
O vindeiro xoves, 10 de novembro, volverá ofrecer servizo aos pacientes de Atención Primaria o consultorio vilagarcián de Vilaxoán. Este luns, o xerente da área sanitaria de Pontevedra-O Salnés, José Flores, mantiña un encontro con representantes da asociación veciñal da parroquia na sede da Confraría Sindical de Pescadores Virxe do Rosario.
O xerente acudía acompañdo de Ana Granxa, portavoz do PP no Concello, e da parlamentaria autonómica do mesmo partido, Elena Suárez. Prometeu que o centro volverá ter a mesma actividade asistencial que mantivera ata que se paralizou a atención. Os efectivos tamén serán os mesmos.
Indicou que, desta forma, se confirma o compromiso que adquiriu Julio García Comesaña, conselleiro de Sanidade, cando visitou o municipio para anunciar a construción dun novo centro de saúde na localidade.
O Sergas ten previso que se desenvolva a actividade neste consultorio de luns a venres en horario de 08.00 a 15.00 horas.
Relacionadas:
-
"A política de recortes na sanidade pública por parte da Xunta de Galicia maltrata aos sanitarios e condena aos usuarios á morte por desatención"
Por Redacción |
-
Un día antes da concentración de protesta o Sergas cubre seis das sete prazas de medicina familiar no centro de saúde do Grove
Por Oskar Viéitez |
-
O número de ausencias de facultativos nos PAC da área sanitaria de Pontevedra é o máis elevado de Galicia
Por Anxo Lourido |
-
O goberno local de Pontevedra esixe á Xunta solucións para evitar que pedir cita médica sexa unha "odisea"
Por Redacción |
-
A área sanitaria insiste en que están a buscar fórmulas para resolver os problemas na Atención Primaria
Por Mónica Patxot & Anxo Lourido |
-
José Flores, xerente da área sanitaria, recoñece que a falta de facultativos só poderá resolverse "a medio prazo"
Por Anxo Lourido |