Ana Couto será a candidata do PSdeG-PSOE á alcaldía de Cerdedo-Cotobade
Por Redacción
A concelleira Ana Couto resultou elixida por aclamación na asemblea da militancia socialista de Cerdedo-Cotobade como candidata á alcaldía nas eleccións municipais que se celebrarán o próximo ano.
Ana Couto agradeceu o apoio e declarou estar preparada "para devolver á dignidade ó noso concello e para volver a colocar ós veciños e veciñas como única prioridade da xestión municipal".
A actual voceira do grupo municipal do PsdeG-PSOE en Cerdedo-Cotobade, Lina Garrido, sinalou que "Ana Couto é a mellor candidata posible para a Alcaldía de Cerdedo-Cotobade", polo que expresou a súa "gran satisfacción e total apoio a unha grandísima persoa" que considera como "a alcaldesa idónea para liderar o concello e superar a desidia e abandono na que os actuáis responsables municipais teñen sometido a Cerdedo-Cotobade".
Ana Couto naceu na parroquia de Almofrei, é arquitecta técnica, técnica en Prevención de Riscos Laborais e estudiante de Dirección de Xestión Pública, leva anos vinculada a Agrupación socialista e nas anteriores eleccións municipais acompañou a Lina Garrido na candidatura.
O próximo 12 de novembro, na Casa do Pobo de Almofrei, vaise a celebrar a presentación oficial de Ana Couto como próxima candidata á alcaldía arroupada pola presidenta do PSdeG-PSOE e da Deputación de Pontevedra, Carmela Silva, e o secretario xeral provincial, David Regades.
Relacionadas:
-
A candidata do PSOE, Ana Couto, promete unha consulta veciñal sobre a fusión de Cerdedo e Cotobade
Por Redacción |
-
Jorge Cubela presenta unha lista que combina "a estabilidade do goberno coa ilusión das novas incorporacións"
Por Redacción |
-
Presentación oficial de Ana Couto como candidata del PSdeG-PSOE á alcaldía de Cerdedo-Cotobade
Por Redacción |
-
Ricardo Martínez, candidato único a presidir o PP de Portas
Por Redacción |
-
PSOE e Avante Poio, unidos nun proxecto "conxunto e integrador" para as municipais
Por Alejandro Espiño |
-
Iñaki Touriño preséntase como candidato socialista á Alcaldía da Lama
Por Redacción |