Noites Abertas recibe 135 propostas para a súa nova edición
Por Redacción
O programa Noites Abertas estase preparando para a posta en marcha da segunda edición trala pandemia, que marcará un camiño de recuperación e reinvención "máis que interesante".
O edil de Xuventude, Alberto Oubiña, mantivo unha reunión coa técnica municipal de Xuventude, Mirian Viñas, xunto co director de Noites Abertas, Nacho Márquez, co fin de seguir traballando e concretando o programa deste ano.
Segundo indicaron desde o órgano municipal, recibiron 135 propostas distintas por parte dos diferentes promotores (asociacións, particulares...), das que preto de 70 pasaron a preselección.
"O proceso que iniciamos agora, logo desta primeira escolma, é o contacto con todas as entidades, autónomos e profesionais para ir concretando horarios, pechando datas de realización de actividades", explicou o edil, que adiantou que, coma todos os anos, queren que o programa se inicie a comezos do 2023.
Lembrou, ademais, o proceso de cambio que viviu o programa por mor da pandemia, estando "á vangarda e facendo actividades por videoconferencia, cun número de persoas reducido así se fixeron tamén ou aproveitando o espazo público".
Relacionadas:
-
Traxes espaciais para distribuir información do inicio de Noites Abertas
Por Redacción & Mónica Patxot |
-
Oito fins de semana de Noites Abertas con 70 actividades diferentes
Por Oskar Viéitez |
-
Universitarios europeos pintarán un mural no lavadoiro de Os Areás, en Mourente
Por Manu Otero |
-
Ábrese o prazo para presentar propostas de actividades en Noites Abertas 2023
Por Mónica Patxot & Anxo Lourido |
-
O PP propón ampliar o programa de Noites Abertas para sacar os menores do botellón
Por Diana Eiras & María José Pita |
-
Máis dun milleiro de persoas participaron na primeira fase de Noites Abertas
Por Redacción |