O PP propón ampliar o programa de Noites Abertas para sacar os menores do botellón
Por Diana Eiras & María José Pita
O concelleiro do Partido Popular de Pontevedra Guille Juncal presentaba este luns unha proposta sobre alternativas de lecer para a mocidade que defenderá no próximo Pleno Municipal do 26 de maio.
O grupo municipal do Partido Popular expoñerá a idea de ampliar o programa municipal de Noites Abertas durante máis meses ao ano, para que a mocidade poida ter diferentes opcións de lecer que substitúan ao botellón.
Guille Juncal recoñece que Noites Abertas é un programa exitoso pero necesita estenderse durante máis tempo. Neste sentido, propón aumentar a súa duración, de xeito que se celebre de febreiro a xullo e de outubro a decembro. Os días de realización das actividades manteríanse os venres e sábados.
Deste xeito, quedarían "libres" os meses de verán, que xa están cubertos polas actividades de Ponteverán, e o período de Nadal.
Juncal insiste en que non quere "criminalizar" aos mozos que acoden ao espazo para botellón habilitado no Recinto Feiral, tan só chamar a atención de que "a realidade é que en Pontevedra hai un botellón permitido pola Administración local ao que asisten menores de idade".
Neste sentido, o concelleiro do Partido Popular pregúntase se "todos estes menores que acoden ao botellón asistirían se tivesen unha actividade alternativa".
O grupo municipal do Partido Popular detectou que os venres e sábados que se celebra o programa Noites Abertas se reduce a afluencia de menores ao botellón e, polo tanto, vanse apoiar nesta idea para que a súa proposta no próximo Pleno Municipal do 26 de maio saia adiante.
Relacionadas:
-
Noites Abertas recibe 135 propostas para a súa nova edición
Por Redacción |
-
Ábrese o prazo para presentar propostas de actividades en Noites Abertas 2023
Por Mónica Patxot & Anxo Lourido |
-
O centro histórico de Pontevedra, "estancado" como advirte o PP ou "esplendoroso" como defende o goberno?
Por Alejandro Espiño & Mónica Patxot |
-
Máis dun milleiro de persoas participaron na primeira fase de Noites Abertas
Por Redacción |
-
Unha acción informativa no 'Botellódromo' tratará de previr o consumo de substancias aditivas
Por Oskar Viéitez |
-
Pepa Pardo, do PP, pon en dúbida a existencia dun informe municipal que avale a reactivación do botellódromo
Por Redacción |