Eliminado un punto de vertido ao río Gafos no Lugar de Cabanas
Por Redacción
Xa está eliminado un punto de vertido de augas residuais ao río Gafos no concello de Pontevedra.
Este foco foi localizado na rúa Estación, no lugar de Cabanas, no marco das inspeccións rutineiras de seguimento levadas a cabo polos técnicos do Plan de Control de Vertidos, dependente de Augas de Galicia, na rede fluvial do municipio.
As inspeccións de seguimento permitiron identificar a orixe da contaminación na canalización das augas residuais da rede de saneamento municipal neste núcleo da parroquia de Salcedo, que afectaba ao río Gafos.
Os técnicos da Xunta comunicaron esta situación ao Concello de Pontevedra para que procedese a adoptar as medidas necesarias para emendar o foco contaminante.
Nunha nova inspección os técnicos da Xunta verificaron que as obras de reparación da deficiencia na canalización da infraestrutura de saneamento municipal, levadas a cabo pola entidade local, permitiron a emenda do vertido.
Relacionadas:
-
Vaipolorío denuncia o "enésimo episodio" de vertedura ao Gafos desde o mesmo sumidoiro
Por Redacción |
-
O Gafos e o rego de Valdecorvos, libres duns 125 quilos de refugallos
Por Redacción |
-
Alumnado de Arquitectura estudará tres espazos urbanos de Pontevedra para propoñer melloras
Por Redacción |
-
Pontevedra traza unha "revolución verde e azul" con 20 millóns para que os seus ríos "non estean illados"
Por Alejandro Espiño |