O Gafos e o rego de Valdecorvos, libres duns 125 quilos de refugallos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Case medio cento de persoas participaron este domingo na décimo quinta edición da limpeza simultánea de ríos coordinada pola asociación ecoloxista ADEGA.
Foron 41 os concellos galegos nos que se desenvolveu esta actividade, que no caso de Pontevedra tivo como escenario o río Gafos e o rego de Valdecorvos.
Os 47 voluntarios repartíronse entre as dúas áreas fluviais co obxectivo de coidar os ríos e concienciar á sociedade da necesidade de que estean ben conservados.
Así, pola canle do Gafos traballaron membros da asociación Vaipolorío, a Fundación Juan XIII e PACMA, que retiraron 75 quilos de refugallos, mentres que outros 50 quilos foron retirados pola asociación O Quilombo no rego de Valdecorvos.
No caso concreto do tramo urbano do Gafos, desde Vaipolorío apuntan que grazas ás limpezas realizadas polo voluntariado cada ano a cantidade de residuos vaise reducindo.
Aínda así, seguen chegando centos de envases de plástico, cabichas ou envoltorios de papel de cadeas de comida rápida, que foron os elementos que máis sacaron do río.
Relacionadas:
-
Vaipolorío precisa axuda para limpar de árbores caídas ao río Tomeza
Por Oskar Viéitez |
-
Eliminado un punto de vertido ao río Gafos no Lugar de Cabanas
Por Redacción |
-
Voluntarios ambientais actuarán no rego de Valdecorvos e no río Gafos nunha xornada de limpeza simultánea en 42 concellos
Por Redacción |
-
A seca deixa sen auga varios tramos do río Gafos
Por Redacción |
-
Recollidos 75 quilos de lixo dos Gafos no terceiro día de limpeza de Vaipolorío
Por Redacción |